გიორგი მოდებაძე

მოგესალმებით, მე ვარ გიორგი მოდებაძე საფეხმავლო და კულტურული ტურების გიდი საქართველოდან. როდესაც დავიწყე საქართველოს სხვადასხვა რეგიონებში მოგაურობა-ლაშქრობა, მთა და ველური ბუნება პირველი დღიდანვე განსაკუთრებული, შეუცვლელი და განუყოფელი ნაწილი გახდა ჩემს ცხოვრებაში. გატაცება მალევე პროფესიად იქცა, როდესაც გავიარე სათავგადასავლო ტურიზმის სკოლის საფეხმალო გამყოლის კურსი და გავხდი GMGA-ს წევრი. ძალიან მახარებს და მიზიდავს  იყო შენი ქვეყნის წარმომადგენელი მთელი მსოფლიოსათვის, ღირსეულად წარადგინო შენი კულტურა, ტრადიციები, ღირსშესანიშნაობები, ბუნება და ბევრი სხვა რამ, ეს არის დიდი მოტივაცია და პასუხისმგებლობა. წლების მანძილზე საქართველოს სხვადასხვა კუთხეების ტურისტული მიმართულებების შესწავლამ და აღმოჩენამ, ასევე სერტიფიცირებამ მომცა გამოცდილება და თავდაჯერება მქონდეს პროფესიული ურთიერთობა საქართველოს ბუნებით დაინტერესებულ ქართველ და უცხოელ მოგზაურებთან და ვიყო მათი გიდი.

ვცდილობ ჩემთან ერთად მყოფი ადამიანებისათვის ვიყო ლიდერი, რომელიც მაქსიმალურად ზრუნავს მათ უსაფრთხოებაზე, კომფორტზე, სიამოვნებასა და მიზნის მიღწევაზე, სადაც თითოეული წუთი მინდა დასამახსოვრებელი გავხადო მათ ცხოვრებაში.