გონიოს ტბა

გონიოს ტბა აჭარაში, ხელვაჩაურის მუნიციპალიტეტში, გონიოში მდებარეობს. ტბის ქვაბული ზღვის სანაპირო დიუნებს შორისაა მოქცეული, ზღვის დონიდან 0,5 მეტრზე. წაგრძელებულია ჩრდ-იდან სამხრ-კენ. მისი ზედაპირის ფართობია 0,06 კმ², მაქსიმალური სიღრმე კი - 1,3 მეტრი. ტბა ძირითადად წვიმის წყლით საზრდოობს. მას მინიმალური დონე ზაფხულში აქვს, მაქსიმუმსკი შემოდგომაზე აღწევს. ტბასთან ახლოს მდებარეობს გონიოს მთავარი ღირსშესანიშნაობა - უძველესი და მასშტაბური გონიოს ციხე-კომპლექსი.