გორდი

კურორტი გორდი იმერეთის მხარეში, ხონის მუნიციპალიტეტში მდებარეობს, სოფელ გორდის ტერიტორიაზე, ზღვის დონიდან 800 მეტრზე. იგი გამოირჩევა ბუნების სილამაზით უამრავ ტურისტს იზიდავს. სოფლის მიდამოებში მდებარეობს ოკაცეს კანიონი, რომელშიც რამდენიმე ჩანჩქერი და ტბა გვხვდება. მომაჯადოვებელი ხეობა, ბზის ხეები, სიმშვიდე, სუფთა ჰაერი და შესანიშნავი ხედები საუკეთესო ადგილს ქმნის ბუნებაში განტვირთვის მოყვარულთათვის. სოფელში შეგიძლიათ მოინახულოთ XIX საუკუნის გორდის სასახლე, რომელიც დავით დადიანს ეკუთვნოდა და დადიანების საზაფხულო რეზიდენციას წარმოადგენდა. გორდი სუბტროპიკული ჰავის ოლქში მდებარეობს, მისთვის დამახასიათებელია რბილი ზამთარი და თბილი ზაფხული. კურორტის ბუნებრივი სამკურნალო ფაქტორია დაბალი მთის ჰავა. სიმწვანეში ჩაფლული გარემო, კლიმატოთერაპია და ულამაზესი ადგილები ხეტიალისთვის შესანიშნავია, თუკი ბუნების სიმშვიდეში დასვენება გსურთ.