გოსტიბის შესახებ

საუკეთესო პერიოდი: ყველა სეზონი

სოფელი გოსტიბე შიდა ქართლის მხარეში, კასპის მუნიციპალიტეტში მდებარეობს, თრიალეთის ქედის ჩრდილოეთ მთისწინეთში, მდინარე გოსტიბესწყლის ნაპირებზე, ზღვის დონიდან 1550 მეტრზე. ეს ულამაზესი სოფელი უამრავ მოგზაურობის მოყვარულს იზიდავს. მთები, ტყეები, ულამაზესი მინდვრები და შუასაუკუნეების ძეგლები სოფელს მიმზიდველს ხდის, როგორც ბუნების მოყვარულთათვის, ასევე კულტურით დაინტერესებული ადამიანებისთვის. გოსტიბე განსაკუთრებით ლამაზი შემოდგომაზეა, როცა წიწვოვანი ხეების სიმწვანე და შემოდგომის ცეცხლოვანი ფერები ზღაბრულ, ჯადოსნურ გარემოს ქმნის. სოფელსა და მის შემოგარენში შეგიძლიათ მოინახულოთ გოსტიბეს სამების ეკლესია, გოსტიბეს კოშკი, კაბერის წმ. გიორგის ეკლესია, კაბერის მცირე ეკლესია და სალომიის ლომისის საყდარი. გოსტიბე საქართველოს ერთ-ერთი საინტერესო და პოპულარული ადგილია, ამ ულამაზეს სოფელს ყოველწლიურად უამრავი ადამიანი სტუმრობს.


ისტორია

გოსტიბეს ტერიტორიაზე ადამიანი უძველესი დროიდან სახლობდა. სოფელში აღმოჩენილია ძვ. წ. X-VIII საუკუნეებისა და ახ. წ. II-III საუკუნეების სამაროვნები. ისტორიულ წყაროებში გოსტიბე პირველად XVII საუკუნეში იხსენიება. 1652 წელს მეფე როსტომმა იგი იორამ სააკაძეს უბოძა. გიორგი სააკაძის საქართველოდან გადახვეწის შემდეგ გოსტიბე სახასო სოფელი გახდა. XVIII საუკუნეში გოსტიბეს მოსახლეობა ლეკების შემოსევებმა გაანადგურა. 1866 წლიდან სოფელში გუდამაყრიდან და ფშავიდან გადმოსული მოსახლეობა დასახლდა. ეს ტერიტორია განვითარებული ფეოდალურ ხანაშიც, რასაც აქ შემორჩენილი ადრეული შუასაუკუნეების ტაძრები და გვიანი შუასაუკუნეების კოშკიც მოწმობს.

თეგები: #სოფელი #ინფრასტრუქტურული ობიექტი #დასახლებული პუნქტი

რუკა

კითხვები

კითხვის დასამატებლად გთხოვთ, გაიაროთ ავტორიზაცია

დასვი კითხვა
review

შეაფასეთ ადგილი

გაუზიარე სხვებს შენი გამოცდილება.
შეაფასე ადგილი, გაგვიზიარე შენი აზრები, დადებითი და უარყოფითი შთაბეჭდილებები.
გავუმარტივოთ მოგზაურობა ერთმანეთს.

შეაფასე
შეაფასე

დასვი კითხვა

შეაფასე გოსტიბე

საშინელი!

ცუდი!

კარგი!

ძალიან კარგი!

შესანიშნავი!