ჯაპანის ტბა

ჯაპანის ტბა — ყველაზე დიდი ნამდინარევი (ნარიონალი) ტბა საქართველოში, ლანჩხუთის მუნიციპალიტეტში. მდებარეობს გურიის დაბლობზე, ზღვის დონიდან 13 მეტრ სიმაღლეზე. ტბა წარმოიქმნა მდინარის კალაპოტის შეცვლის შედეგად. მდინარის მიტოვებულ კლაკნილ მონაკვეთს ნამდინარევი ჰქვია, შიგ არსებულ წყალს კი მეანდრული ტბა.

ჯაპანის ნამდინარევი ტბის ზედაპირის ფართობი 1.17 კმ², წყალშემკრები აუზის ფართობი 5.2 კმ². საშუალო სიღრმე 3.7 მ. წყლის მოცულობა 4.3 მლნ. მ³. საზრდოობს წვიმისა და მიწისქვეშა წყლით. გაუდინარია, მტკნარი. ზამთარში ამ ტაბაზე გადამფრენი ფრინველები ბინადრობენ, ასობით გარეული იხვი და სხვა ტიპის ფრინველები.

ჯაპანის ტბა დღეისათვის ტბორად არის გადაკეთებული. იყენებენ თევზის მოსაშენებლად.

ჯაპანის სიახლოვეს კიდევ ორი ტბაა: დიდი ნარიონალი და მცირე ნარიონალი.