ჯუთა - ჭაუხის უღელტეხილი - აბუდელაურის ფერადი ტბები

გსურს ნახო აღმოსავლეთ საქართველოში ერთ-ერთი ყველაზე პოპულარული საფეხმავლო ბილიკი, რომელიც ყაზბეგის რაიონს ხევსურეთთან აკავშირებს? მზად ხარ გადაიარო ულამაზესი ჭაუხის უღელტეხილი და დატკბე აღმოსავლეთ კავკასიონის ულამაზესი ხედებით?

მაშინ დაგვემგზავრე და აღმოაჩინე ყველაზე თვალწარმტაცი ადგილები ჩვენთან ერთად.

ტურის განმავლობაში ჩვენ ვნახავთ არაერთ ღირსშესანიშნავ ადგილს:

• ჯუთა– ულამაზესი სოფელი ყაზბეგის მუნიციპალიტეტში, მდებარეობს ხევის კავკასიონის მთავარი ქედის სამხრეთ კალთაზე, მდინარე სნოსწყლის ხეობაში, ზღვის დონიდან 2000 მეტრის სიმაღლეზე.

• ჭაუხების მასივი და უღელტეხილი ერთერთი ულამაზესი ლოკალური მთათა მასივი საქართველოში და მთელს კავაკასიონზე, მდებარეობს ყაზბეგის მუნიცილალიტეტში.

• აბუდელაურის ფერადი ტბები, მყინვარული (მორენული) წარმოშობის ტბები, აღმოსავლეთ საქართველოში, თუშეთ-ხევსურეთის კავკასიონის სამხრეთ კალთაზე, მდინარე როშკისწყლის მარჯვენა შენაკადის აბუდელაურის სათავეში ,სოფლების როშკასა და ჯუთასთან ახლოს ზღვის დონიდან 2812 მეტრზე მდებარეობს. საზრდოობს თოვლის, მყინვარისა და წვიმის წყლით. ტბების მაქსიმალური დონე ზაფხულში აღინიშნება, მინიმალური კი ზამთარში. ხანგრძლივი დროის განმავლობაში (6 თვეზე მეტი) ტბები ყინულითაა დაფარული, რომლისგანაც მხოლოდ მაისის ბოლოს თავისუფლდება.

• სოფელი როშკა მდებარეობით და ბუნების ძეგლებით ერთ-ერთი გმორჩეული სოფელი ხევსურეთში, მდებარეობს ზღვის დონიდან 2000-მ . აღსანიშნავია როშკის გიგანტური ლოდები.