ქედზე: დათვიჯვრის უღელტეხილი - ტბათანა

ქედზე: დათვიჯვრის უღელტეხილი - ტბათანის შესახებ

საუკეთესო პერიოდი: ზაფხული, სექტემბერი

ბილიკი იწყევა დათვიჯვრის უღელტეხილიდან და მთავრდება პანკისის ხეობაში. მარშრუტი მოიცავს უკანაფშავისა და მიღმახევის გამყოფ ქედს, ბორბალოს უღელტეხილს, ალაზნისა და იორის სათავეს და ტბათანას.

გეგმა:

დღე 1: დათვიჯვრიდან - საბანაკე ბორბალომდე

მარშრუტი იწყება დათვიჯვრის უღელტეხილიდან და მიემართება აღმოსავლეთისკენ მიღმახევისა და უკანაფშავის გამოყოფი ქედის გასწვრივ. ბილიკი გთავაზობთ ულამაზეს პანორამულ ხედებს კავკასიონზე, ფშავსა და კარგ ამინდში მოშორებით მდგომ ჭაუხებსაც კი დაინახავთ. დღის ბოლოს როცა უკვე დაღლილობა თავს შეგახსენებთ (17 კმ მოიტოვეთ უკან) მიადგებით საკარვე ადგილს, რომელსაც არ შეიძლება სამოთხე არ უწოდო. იქ სადაც ქედი წელს იკეთებს ზღვის დონიდან 2700 მეტრზე მდებარეობს პაწია ტბა. უბრალოდ ლამაზი ოღონდ სუნიანი გუბე არ გეგონოთ, ტბა მუდმივად ახლდება პატარა ნაკადულით, რომელიც დასალევადაც გამოდგება. ყველაფერი ეს ერთად საოცარ გარემოს ქმნის დამქანცველი დღის ბოლოს განსატვირთად.

საბანაკე ბორბალო

საბანაკე ადგილი ბუნებაში

დღე 2: საბანაკე ბორბალო - საყორნო უღელტეხილი - რკინის გზა

დილა არის მშვენიერი, განსაკუთრებით მაშინ კარვიდან გამოსულს ხედის შემყურე აღფრთოვანებისგანბავშვივით კუნტრუში და ღრიალი რომ გინდება. ამ საბანაკეზე დაძინებაზე უკეთესი გაღვიძება ყოფილა. გზა კიდე ბევრია და თქვენც დილიდანვე მოგიწევთ შეერკინოთ ბორბალოს უღელტეხილის აღმართებს. მთელი მეორე დღის განმავლობაში წყლის მოპოვება ძალიან რთული იქნება ამიტომ უმჯობესია დღენახევრის საკმარი წყალი თან იქონიოთ. ბილიკი კარგად ეტყობა და 1.5 საათში უკვე უღეტეხილზე ახვალთ. თუ ბედმა კარგი ამინდი გარგუნალ ხეობაში ჩაიხედეთ, დაინახავთ ალაზნის სათავეს. ბილიკი გრძელდება მარცხნივ, მცირე აღმართით ავლის შემდეგ ბილიკი ფერდობით გადადის ქედზე, რომელიც ერთმანეთისგან ყოფს წოვათუშეთსა და ალაზნის ხეობას. მარშრუტი ქედს მიუყვება საყორნოს უღელტეხილამდე სადაც ეშვება ალაზნის ხეობაში და მეორე მთაზე გადადის.

დღე 3: რკინის გზა - ტბათანა

თქვენი ბანაკი ზ.დ. 2900 მეტრზე მაღლა მდებარეობს და ხედიც განსაკუთრებული აქვს. ასეთ მომენტებში ხვდებით თუ რაზომ გიყვართ ასე ძალიან ლაშქრობა. ბილი თავს არ მოგაწყენთ ხან ალაზნის ხეობასა და სპეროზას ქედს გაჰყურებთ ხანაც იორის სათავის ყურებით ტკბებით. ბილიკი ქედს მიუყვება და ულამაზეს ხედებს გთავაზობთ ორივე მხარეს. ორიენტირება მარტივია კარგ ამინდში, თუმცა სჯობს ამ მარშრუტზე შესაბამისი აპლიკაციით აღწურვილი ჭკვიანი ტელეფონი და შესაბამისი GPS Track -ი თან გქონდეთ მეტი უსაფრთხოებისათვის. მესამე დღეს თქვენი მიზანია მიაღწიოთ ტბათანას კურორტს. სავალი გზა შედარებით მარტივია და დღის ბოლოს ტბათანაზე იქნებით. მეორე დღესთან შედარებით წყლის მოპოვება მესამე დღეს შედარებით ადვილია. ყურადღებით იყავით ერთ ადგილზე წყალი ბილიკის გვერდითაა. ამ დღეს უკვე შეხვდებით ადგილობრივ მეცხვარეეებს. ფრთხილად იყავით ფარას ძაღლები იცავენ და თუ ძაღლი მოგიახლოვდათ გაჩერდით, არ გაიქცეთ მწყემს დაუძახეთ. ძაღლებს ის დააშოშმინებს. ტბათანაზე მისულებს შეგიძლიათ თავი ქუდში იგულოთ მარშრუტი უკვე დაძლეული გაქვთ. ბოლო დღეს მოგიწევთ ტბათანადან ხეობაში დაშვება ავტომობილის გრუნტიანი გზით.

დღე 4: ტბათანა - ცივილიზაცია

ეს დღე ყველაზე მარტივია. ვეშვებით გრუნტიან გზაზე. გასავლელი მანძილი 10-12 კმ-ია. აგვისტოს ბოლოს და სექტემბრის დასაწყისში გზის პირას მწიფე მაყვალი შეგხვდებათ. პირველ სოფელი არის ბირკიანი. მთავარია აქედან მატანში ან ახმეტაში მოვდეთ საიდანაც მოძრაობა უფრო ინტენსიურია.

თეგები: #ლაშქრობა #trekking #Backpacking #სათავგადასავლო ტურები