ყელის ტბა

ყელის ტბა ცხინვალის რეგიონში, ახალგორის მუნიციპალიტეტში მდებარეობს, ყელის ვულკანურ ზეგანზე, ზღვის დონიდან 2914 მეტრზე. იგი 1995-2008 წლებში მცხეთა-მთიანეთის მხარეში შედიოდა. ტბა ამჟამად რუსეთის მიერ ოკუპირებულ ტერიტორიაზეა. წყლის სარკის ფართობი 1,28 კმ²-ა, უდიდესი სიღრმე კი - 63 მ. ვულკანური მთებით გარშემორტყმული ლურჯი, მოლივლივე ტბა, გაშლილი სივრცეები და მრავალფეროვანი ფერთა გამა საოცარ სანახაობას ქმნის. ეს ადგილი შესანიშნავია ლაშქრობისა და თავგადასავლების მოყვარულთათვის. ტბასა და მის შემოგარენს დიდი ტურისტული პოტენციალი აქვს. ყელის ტბა და ყელის ზეგნის უმშვენიერესი ხედები დაუვიწყარი შთაბეჭდილებებით აგავსებთ. ტბის ქვაბული დიდი მყინვარული ცირკის ლავური ნაკადის შეგუბებითაა შექმნილი, რომელიც შემდეგში მყინვარმა გადაამუშავა. მას ორი ქვაბული უჭირავ. ტბა საზრდოობს თოვლის, მიწისქვეშა და წვიმის წყლით. წყლის მაქსიმალური დონე ივნისშია, მინიმალური კი - თებერვალში. ტბიდან გამოედინება მდინარე ქსანი. ყელის ტბა 7-8 თვე ყინულითაა დაფარული. ყელის ტბის მიმდებარე ტერიტორიაზე შეგიაძლიათ მოინახულოთ ყელიწადისა და არჩვების ტბები.