DJI_0206

ლიკანის ღვთისმშობლის ეკლესია

ლიკანის ღვთისმშობლის ეკლესიის შესახებ

საუკეთესო პერიოდი: ყველა სეზონი

ლიკანის ღვთისმშობლის ეკლესია სამცხე-ჯავახეთის მხარეში, ბორჯომის მუნიციპალიტეტში, მდინარე ახოებისწყლის ხეობაში მდებარეობს. ტაძარი VII-IX საუკუნეებით თარიღდება. დღესდღეობით იგი ნანგრევების სახითაა შემორჩენილი. ეკლესიის მთავარი ნაწილი ნახევარწრიული აფსიდით დამთავრებული ნავია. XVI საუკუნეში ეკლესიისთვის სამრეკლო მიუდგამთ, რომელიც თითქმის მთლიანად ფარავს დასავლეთის კედელს. მისი ქვედა სართული კუბის ფორმისაა, მასიურკედლებიანი, დიდი დაუმუშავებელი ლოდებით ნაგები და ეკლესიაში შესასვლელს წარმოადგენს. ბარიერი შემოღუდულ მე-2 სართულს გარედან ლილვებიანი პროფილი გასდევს. ასავლელად ქვაყორის კიბეა მიშენებული. სამრეკლოს ზედა ნაწილი კი, თლილი ქვის სვეტები, რომლებსაც სახურავი ეყრდნობოდა, მონგრეულია. სამრეკლოს შესასვლელის მარცხენა ბოძზე განთავსებული ქათული ასომთავრული წარწერიდან ვიგებთ, რომ ეკლესია ბორჯომის ხეობის მფლობელ ავალიშვილთა წარმომადგენლებს აუგიათ: ფეოდალ ქიშვარდ ავალიშვილსა და მის მეუღლე თამარს,ქართლის მეფე ლუარსაბ 1-ის ასულს. ლიკანის სამრეკლო მწვანე მონასტრის სამრეკლოს წააგავს და სავარაუდოდ იმავე პერიოდში, XV-XVI საუკუნეებშია აგებული. შუასაუკუნეებში ეკლესიის ტერიტორიაზე სამონასტრო ცხოვრება იყო.


როგორ მივიდეთ

ლიკანის ღვთისმშობლის ეკლესია ბორჯომიდან 7-ით არის დაშორებული. ტაძრამდე მიდის სამანქანო გზა. მესხეთის ქუჩიდან რაზმაძის ქუჩაზე გადახვევის შემდეგ 2 კმ დაგრჩებათ გასავლელი.

თეგები: #ისტორია #ეკლესია #კულტურა #მონასტერი

რუკა

კითხვები

კითხვის დასამატებლად გთხოვთ, გაიაროთ ავტორიზაცია

დასვი კითხვა
review

შეაფასეთ ადგილი

გაუზიარე სხვებს შენი გამოცდილება.
შეაფასე ადგილი, გაგვიზიარე შენი აზრები, დადებითი და უარყოფითი შთაბეჭდილებები.
გავუმარტივოთ მოგზაურობა ერთმანეთს.

შეაფასე
შეაფასე

დასვი კითხვა

შეაფასე ლიკანის ღვთისმშობლის ეკლესია

საშინელი!

ცუდი!

კარგი!

ძალიან კარგი!

შესანიშნავი!