მარიამ ქალებაშვილი

მოგესალმებით,

მე ვარ მარიამი. შვიდი წელია გიდად ვმუშაობ. უცხოენოვან ჯგუფებს დავყვები, თუმცა შიდა ტურიზმში მუშაობის გამოცდილებაც მაქვს. შემოვლილი მაქვს საქართველოს თითქმის ყველა რეგიონი, კახეთით დაწყებული, სვანეთით და აჭარით გაგრძელებული. ეროვნულ მუზეუმშიც (თბილელის ქარვასლა) ვატარებდი ტურებს. მიმუშავია სხვადასხვა სიდიდის ჯგუფებთან (Bus & Jeep tours).  მაინტერესებს ეკოტურიზმი, მიყვარს აღმართები, კესანეები და მზიანი ამინდები. :) 

ხადას ხეობა და ხადიდან გუდაურში მიმავალი ბილიკი, ჭაუხის უღელტეხილი,  ხორისარის უღელტეხილი და ყელიწადის ტბა, საბერწის უღელტეხილი და ბეთლემის ქოხი, ჩხუტნიერის უღელტეხილი, ბეჩო-უშბის ჩანჩქერის მიმართულება, აწუნთას უღელტეხილი, შავი კლდეების ტბის ბილიკი, ალგეთის სამეფო ქედის ბილიკი, თბილისის შემოგარენში არსებული ბილიკები - ეს ჩემი საყვარელი ადგილებია, რომელთა უმრავლესობაც გამყოლის გარეშე მაქვს მოვლილი.