მარტვილის საბაგირო გზა

საბაგირო გზა ქალაქ მარტვილის ცეტრში, რომელიც ქალაქ მარტვილს აკავშირებს მარტვილის მონასტერთან. საბაგიროს რეაბილიტაცია ჩაუტარდა 2013 წელს, მგზავრობის ღირებულება შეადგენს 50 თეთრს.

ტექნიკური დეტალები

მარტვილის ქანქარისებრი ტიპის, ორბაგირიანი, ერთგზიანი, ბაგირგზა დაპროექტებულია ინსტიტუტ "საქსპეცტრანსის" მიერ. პროექტის ავტორი: ვახტანგ ლეჟავა. ექსპლუატაციაში ჩაეშვა 1985 წელს. მას ერთი შუალედური საყრდენი აქვს, ამძრავ და მზიდი ბაგირის დამჭიმავ ფუნქციას ასრულებს ქვედა სადგური. საბაგირო გზაზე მოძრაობს თბილავიამშენის სტანდარტული 12 ადგილიანი ვაგონი. 2013 წელს რეკონსტრუქცია ჩაუტარდა და ქვედა სადგური შუშით შეიმოსა. 2019 წელს საბაგიროს კოსმეტიკური რემონტი ჩაუტარდა.

მოძრაობის სიჩქარე: 3,75 მ/წმ
მგზავრობის დრო: 3 წთ.
წარმადობა: 160 ადამიანი ერთ საათში ერთი მიმართულებით.
გზის სიგრძე: 670 მეტრი.
ზედა სადგურის სიმაღლე: 277 მეტრი
ქვედა სადგურის სიმაღლე: 194 მეტრი
სიმაღლეთა სხვაობა: 83 მეტრი