მედეას ქანდაკება

მედეას ქანდაკება - ბერძნული მითოლოგიის გმირის, კოლხი პრინცესა მედეას მონუმენტი საქართველოს ქალაქ ბათუმში, თავისუფლების მოედანზე, ახლოს ასტრონომიულ საათსა და ნეპტუნის ქანდაკებასთან.

ქანდაკება 2007 წლის 6 ივლისს საზეიმოდ გახსნა საქართველოს პრეზიდენტმა მიხეილ სააკაშვილმა.

ითვლება, რომ აჭარის ტერიტორიაზე ოდესღაც არსებობდა კოლხიდის ცივილიზაცია. მედეამ, რომელიც მეფის ასული იყო, არგონავტ იასონისადმი სიყვარულით მოჯადოებულმა, დაეხმარა მას მოეტაცა თავისი ხალხის კეთილდღეობის გარანტი და თილისმა – ოქროს ვერძი. წყვილი ხომალდ არგოთი გაიქცა, რომელიც გამოსახულია ძეგლზე. ასევე ცნობილია ის ფაქტი, რომ მედეა იყო თავისი დროის მცოდენე მკურნალი და ფარმაცევტი, ამიტომ სწორედ მის პატივსაცემად დაერქვა მეცნიერებას მედიცინა.

დღეს მედეას ძეგლი ოქროს ვერძით, რომელიც ნამდვილად მოოქროვილია, არის სიმდიდრის, აყვავების და საქართველოს ევროპულ სამყაროსთან კავშირის სიმბოლო.