მირვეთი

მირვეთი — სოფელი აჭარის ავტონომიურ რესპუბლიკაში, ხელვაჩაურის მუნიციპალიტეტში, აჭარისწყლის თემში. მდებარეობს მდინარე ჭოროხის მარცხენა მხარეს, ზღვის დონიდან 60 მეტრ სიმაღლეზე. ქალაქ ბათუმიდან დაშორებულია 19 კილომეტრით. 

მირვეთი ერთ-ერთი ულამაზესი სოფელია, მთისა და ზღვის ჰაერით გაჯერებული ბზის ტყეებით, მყუდრო, მწვანეში ჩაფლული ჭოროხის ნაპირებით. სოფელში შეხვდებით კოლხური ბზის ხეივანს. ეს ბზა წითელ წიგნშია შეტანილი და განსაკუთრებულ მოფრთხილებას საჭიროებს – გადაშენების პირას მყოფი სახეობაა.

ბათუმიდან მირვეთამდე შეგიძლიათ ველომარშრუტი დაგეგმოთ, ველომარშრუტები ბათუმის ტურისტული ცენტრებიდან იწყება, მათგან ერთ-ერთი საბაგიროსთან, მეორე კი ბულვარის შესასვლელთან მდებარეობს, მარშრუტის რუკა სწორედ ამ ცენტრებშია ხელმისაწვდომი.

ექსტრემალური გართობის მოყვარულები ჭოროხსა და აჭარისწყალზე ჯომარდობის ტურით ისარგებლებენ.

სოფელში ასევე მოწყობილია საპიკნიკე და საკემპინგე სივრცეები. აქ არის რამდენიმე რესტორანი და საოჯახო კაფეც.

ღირსშესანიშნაობა

• მირვეთის ჩანჩქერი;
• მირვეთის თაღოვანი ხიდი;