მირვეთის თაღოვანი ხიდი

მირვეთის თაღოვანი ხიდი - მდებარეობს აჭარაში, ხელვაჩაურის მუნიციპალიტეტის სოფელ მირვეთში, აჭარისწყლის გადასახვევიდან 7 კმ-ის დაშორებით.

ხიდი სავარაუდოდ აგებულია XI-XIII საუკუნეებში. ხიდს ბურჯებად ორივე მხარეს აქვს ბუნებრივი კლდე. ხიდის პარამეტრებია: სიგრძე-12მ, სიგანე შუა წელში- 2მ, სიმაღლე წყლის ზედაპირიდან თავბანდამდე- 5მ, თავბანდის სიმაღლე 52 სმ, მარჯვენა მისასვლელის სიგანე-4.20მ, მარცხენა მისასვლელის სიგანე- 3.5მ.

აჭარის კულტურული მემკვიდრეობის დაცვის სააგენტოს 2013 წლის მიზნობრივი პროგრამის ფარგლებში ხიდს ჩაუტარდა რესტავრაცია.