მოძრაობის თეატრი

მოძრაობის თეატრი ქალაქ თბილისში, მუშთაიდის ბაღში, აღმაშენებლის გამზირის 182 ნომერში მდებარეობს. კახა ბაკურაძის მოძრაობის თეატრი აერთიანებს თანამედროვე ცეკვას, მიმოდრამას, აკრობატიკას, პანტომიმას, ბალეტს, საბრძოლო და საცირკო ელემენტებს. ეს მრავალფეროვნება საოცრად შთამბეჭდავ და დაუვიწყარ სანახაობას ქმნის. პირველი საჯარო გამოსვლები კახა ბაკურაძის დასმა, ყოველგავრი ანონსებისა და ანაზღაურების გარეშე ქუჩებში დაიწყო და დასის გამოჩენა თბილისის ნებისმიერ ქუჩაზე, დიდი დღესასწაული იყო. მომდევნო პერიოდში მოძრაობის თეატრმა მრავალი სარეპეტიციო სივრცე გამოიცვალა, დაწყებული თეატრალური სარდაფის მიმდებარე პატარა ფართით და დამთავრებული რკინიგზელთა სახლის პატარა ოთახით. რომელშიც ძველი კინოსტუდიის შენობაში გაჩენილი ხანძრის შემდეგ დასი ნიკა მემანიშვილმა რკინიგზელთა სახლში შეიფარა და საკუთარი თეატრის მშენებლობის დასრულებმადე, რომელიც სამხატვრო ხელმძღვანელმა და დასმა, საკუთარი ხელით ააგეს. თეატრის მშენებლობა მუშთაიდის ბაღში 3 წელს გაგრძელდა და საბოლოოდ დასრულებული სახე 2013 წელს მიიღო. მას შემდეგ მოძრაობის თეატრში მუდმივად იმართება როგორც თეატრალური სპექტაკლები, ასევე მრავალფეროვანი შემოქმედებითი საღამოები.