მუხურის შესახებ

საუკეთესო პერიოდი: ყველა სეზონი

მუხური — სოფელი დასავლეთ საქართველოში, სამეგრელო - ზემო სვანეთის მხარის ჩხოროწყუს მუნიციპალიტეტში, ხობისწყლის ხეობაში. სოფელს სამხრეთით და აღმოსავლეთით ესაზღვრება სოფლები — ხაბუმე, ზუმი და თაია, ხოლო დასავლეთით — წალენჯიხის მუნიციპალიტეტი.

მუხური ითვლება ქართული მეფუტკრეობის ერთ–ერთ ცენტრად. დღეის მდგომარეობით შექმნილია სოფლის მეურნეობის სამინისტროსთან არსებული სამეცნიერო კვლევითი ცენტრის მეფუტკრეობის საჯიშე ბაზა ლაბორატორიით. სოფელ მუხურში არის პოეტ ლაშა გახარიას სახლ–მუზეუმი, სადაც ხშირად იმართება პოეზიის საღამოები. სოფელში არის მოქმედი წმ. გიორგისა და წმ. ნიკოლოზის სახელობის ეკლესია. ასევე ცნობილია "ლუგელას" მინერალური წყლის სამკურნალო თვისებები.


ისტორია

ისტორიული წყაროებით დადასტურებულია, რომ სოფლის მთიანეთში, კერძოდ ლუგელას ხეობაში, სადაც არსებობს კარსტულკი მღვიმეები და გამოქვაბულები, ადამიანს უხსოვარი დროიდან უცხოვრია, იქ ნაპოვნი ქვის იარაღები –ნაჯახი, ხელცულები, სატეხ–საჩორკნი ქვები, ნეოლითური ხანის ადამიანის ცხოვრების დამადასტურებელია. რომაელი სარდლის პომპეუსის ეგრესში ლაშქრობის აღსანიშნავად მუხურისა და თაიის ტერიტორიაზე გამავალ ბილიკს ხალხი დღესაც "პომპიას ბილიკს" ეძახის. შუა საუკუნეებსა და შემდგომ პერიოდში განვითარებული კულტურის არსებობაზე მეტყველებენ აქაური ისტორიული ძეგლები. მუხურის ყველაზე საინტერესო ბუნებრივი ძეგლია კარსტული მღვიმე "შურუბუმუ", რომელიც ლუგელას ხეობაში იღებს სათავეს და ათეულ კილომეტრზეა განვითარებული. ასევე ცნობილია მყინვარული წარმოშობის ტბები: ,,ტობავარჩხილი“, ,,ცაშკიბული“ და სხვა.


რუკა

კითხვები

Please login to ask a question

დასვი კითხვა
review

შეაფასეთ ადგილი

გაუზიარე სხვებს შენი გამოცდილება.
შეაფასე ადგილი, გაგვიზიარე შენი აზრები, დადებითი და უარყოფითი შთაბეჭდილებები.
გავუმარტივოთ მოგზაურობა ერთმანეთს.

შეაფასე
შეაფასე

დასვი კითხვა

შეაფასე მუხური

საშინელი!

ცუდი!

კარგი!

ძალიან კარგი!

შესანიშნავი!