ნავარძეთის წმინდა გიორგის ეკლესია

ნავარძეთის წმინდა გიორგის ეკლესია მდებარეობს ზემო იმერეთში, ჭიათურის მუნიციპალიტეტის ტერიტორიაზე.

წმინდა გიორგის სახელობის ეკლესია მდებარეობს სოფლის მოქმედ სასაფლაოზე. ეკლესია ბაზილიკის ტიპისაა. გადახურვა ორქანობაა. გადახურულია თუნუქით. ეკლესია გარედან მოპირკეთებულია კარგად ნათალი და დამუშავებული კვადრებისგან. ეკლესიაში შესასვლელი კარი ჩრდილოეთ, დასავლეთ და სამხრეთიდანაა გაჭრილი. დასავლეთიდან სამ სართულიანი სამრეკლოა მიდგმული შესასვლელ კარზე. ეკლესიის შიდა სივრცე ნათდება მოზრდილი ზომის თაღოვანი სარკმელით, რომლებიც ჩრდილოეთ და სმახრეთ კედელზე ორ-ორი ხოლო აღმოსავლეთ კედელზე სამია დატანილი. ჩრდილოეთ და სამხრეთ კარის ტავზე ჯვრის რელიეფური გამოსახულებებია. რელიეფური გამოსახულებაა ცასმული აგრეთვე აღმოსავლეთ კედლის ფასადზე ცენტრალური სარკმლის თავზე. შიდა სივრცე ორი წყვილი სვეტით სამ ნავად იყოფა. იატაკი ქვის ფილებითაა მოგებული. იკონოსტასი ხისგანაა ამოყვანილი. ჩრდილოეთ და სამხრეთ კედელზე სამი წყვილი პილასტრი მიუყვება. კამარა და ეკლესიის კედლები მთლიანად შელესილია