როკითი

მდებარეობს ბაღდათის მუნიც-ში, ბაღდათიდან 10 კმ დაშორებით, მდ. ხანისწყლის მარცხენა ნაპირზე. სოფელი როკითი იხსენიება შემდეგ წერილობით წყაროებში: ვახუშტი ბაგრატიონის „აღწერა სამეფოსა საქართველოსა“, XVI-XVIII სს-ის ისტორიული საბუთები, იოჰან გიულდენშტედტის „მოგზაურობა საქართველოში“. 1684 წ. როკითთან გამართულ ბრძოლაში, იმერეთის მეფე ალექსანდრე IV-მ (1683-1690) დაამარცხა გურიის მთავარი გიორგი III.

როკითის მაცხოვრის ფერისცვალების ეკლესია აგებულია აფხაზთა კათალიკოსის სვიმონ ჩხეტიძის მიერ 1666 წელს. ტაძარი წარმოადგენს გვიან ფეოდალური ხანის მაცხოვრის ფერისცვალების სახელზე აგებულ ერთნავიან ბაზილიკას. ტაძრის სამხრეთ და დასავლეთ ფასადზე ტაძარი შემკულია ორნამენტებითა და ასომთავრული წარწერებით.