სარფი

სარფი — შავიზღვისპირა კურორტი და სოფელი აჭარაში, ხელვაჩაურის მუნიციპალიტეტში. მდებარეობს მდინარე ტობაშის ნაპირებზე. სოფელი საერთაშორისო მნიშვნელობის გზით E70, ს 2 უკავშირდება ქალაქ ფოთს.

სარფი მდებარეობს საქართველოს და თურქეთის საზღვარზე, სოფელში არის საბაჟო-გამშვები პუნქტი. უკანასკნელ ათწლეულში განვითარდა საკურორტო ინფრასტრუქტურა.

ისტორია

1921 წელს ყარსის ხელშეკრულების საფუძველზე სოფელი სარფი ორად გაიყო. საქართველოს სსრ-სა და თურქეთის საზღვრის გამყოფად დადგინდა სოფელ სარფში ჩამომავალი პატარა მდინარე ტობაში. თურქეთის სახელმწიფოს შემადგენლობაში არსებულ სოფელსაც სარფი ეწოდება. სარფის მოსახლეობის უმრავლესობა ლაზები არიან.