შურუბუმუს კანიონი

შურუბუმუს კანიონი სამეგრელოში, ჩხოროწყუს მუნიციპალიტეტში, სოფელ მუხურთან ახლოს მდებარეობს, მდინარე ხობისწყლის ხეობაში. ეს ერთ-ერთი განსაკუთრებული ადგილია ველური ბუნებისა და თავგადასავლების მოყვარულთათვის და მრავალ მოგზაურს იზიდავს. ბზის კორომები, ხავსით დაფარული ლოდები და პატარა ჩანჩქერები ზღაპრულ სანახაობას ქმნის. კანიონის ჯადოსნურ ბილიკებს შურუბუმუს მღვიმესთან მივყავართ, რომელიც გამოირჩევა ულამაზესი ნაღვენთი ფორმებით და უდიდეს შთაბეჭდილებას ახდენს მნახველზე. შურუბუმუს კანიონი და მღვიმე სამეგრელოს ერთ-ერთი ეგზოტიკური ადგილია. თუკი მრავალფეროვნება და რაღაც ახლის, გასნხვავებულის ნახვა გსურთ, აქ ნამდვილად შეძლებთ მისტიკურ სამყაროში მოგზაურობას და დაუვიწყარი ემოციებითაც აივსებით.