თბილისის საერთაშორისო აეროპორტი

თბილისის შოთა რუსთაველის სახელობის საერთაშორისო აეროპორტი მდებარეობს საქართველოს დედაქალაქის ცენტრიდან 17 კმ-ის დაშორებით. აეროპორტიდან რეისები ხორციელდება მსოფლიოს სხვადასხვა მიმართულებით.

თბილისის აეროპორტი ერთ-ერთია საქართველოს სამ საერთაშორისო აეროპორტს შორის, ქუთაისის საერთაშორისო აეროპორტისა და ბათუმის საერთაშორისო აეროპორტთან ერთად.

2005 წლის 31 ოქტომბრიდან თბილისის საერთაშორისო აეროპორტი ტავ ჯორჯია -ს მმართველობის ქვეშაა. 2007 წელს დასრულდა ახალი სამგზავრო ტერმინალის მშენებლობა, რომლის მეშვეობით სწრაფად განვითარდა და სტრატეგიული მნიშვნელობა მიიღო. აეროპორტს გააჩნია ფართო ასაფრენ- დასაფრენი ბილიკი, ბაქანი და სამიმოსვლო გზა.

აეროპორტიდან ფრენებს 37-მდე ავიაკომპანია ასრულებს მსოფლიოს მიმართულებით. მათ შორის: აეროფლოტი, belavia ავიაზახები, airbaltic-ი, flydubai, LOT პოლონური ავიახაზები, Lufthansa და ა.შ.

თბილისის საერთაშორისო აეროპორტში შეგიძლიათ მიიღოთ გზამკვლევი, რომლის დახმარებით გადაადგილება ბევრად მარტივია. აეროპორტშივე შეგიძლიათ ისარგებლოთ სუვენირების მაღაზიით, კაფე-ბარებითა და სხვადასხვა მოსასვენებელი ადგილით. აგრეთვე აეროპორტი მგზავრებს უფასო ინტერნეტს აეროპორტის მთელს ტერიტორიაზე სთავაზობს.

ტრანსპორტი აეროპორტში

ავტობუსი - რეგულარულ სამარშუტო ხაზს თბილისი-აეროპორტი-თბილისი ემსახურება მუნიციპალური ავტობუსი #37 ნომერი, რომლის გაჩერებაც ჩამოფრენის დარბაზის გასასვლელთან მდებარეობს. მგზავრობის ღირებულება 50 თეთრია. სამუშაო საათები - 24/7.

ტაქსი - გარდა ავტობუსისა დღის ნებისმიერ მონაკვეთში, 24 საათის განმავლობაში აეროპორტს ემსახურება ტაქსებიც, ქალაქის ცენტრამდე მგზავრობა 20-30 წუთი გრძელდება, ხოლო ტარიფი ქალაქის ცენტრამდე დაახლოებით 25 ლარს შეადგენს.

რკინიგზა - რკინიგზის სადგური „აეროპორტი“ ყველაზე იაფი და იოლი გადაადგილების საშუალებაა, რომელიც აეროპორტს თბილისის ცენტრალური რკინიგზის სადგურთან აკავშირებს. რკინიგზის ხაზი სამგზავრო ტერმინალიდან 70 მეტრის დაშორებით მდებარეობს. ნახევარსფეროს ფორმის შენობა ოქროსფერი მინის კონსტრუქციით, თანამედროვე არქიტექტურული სტილშია აშენებული.

სამგზავრო მატარებლის განრიგი:

• თბილისი - აეროპორტი 7:55 AM აეროპორტი - თბილისი 8:45 AM
• თბილისი - აეროპორტი 5:20 PM აეროპორტი - თბილისი 6:05 PM

ავტოსადგომი

თბილისის საერთაშორისო აეროპორტის სამი ავტოსადგომი 1000 ავტომობილზეა გათვლილი.

პარკინგის ადგილს ორი შესასვლელი და გასასვლელი აქვს. ავტოსადგომით სარგებლობა ფასიანია. საფასურის გადახდა ხდება სადგომიდან გასვლის დროს გასასვლელთან მდებარე გადახდის ჯიხურში.

პარკირების საფასური:

• პარკირება 1 საათით - 4 ₾
• პარკირება 1-3 საათით - 5 ₾
• პარკირება 3-6 საათით - 7 ₾
• პარკირება 6-12 საათით - 10 ₾
• პარკირება 24 საათით - 15 ₾

- ყველა ტარიფი მოცემულია ეროვნულ ლარში დღგ-ს ჩათვლით.

- 5 წუთით ავტოსადგომზე შესვლა უფასოა.

- ავტოსადგომის ბარათის დაკარგვის შემთხვევაში, მომხმარებელი სამი დღის საფასურის გადახდით დაჯარიმდება.