ბათუმის საერთაშორისო აეროპორტი

ბათუმის ალექსანდრე ქართველის სახელობის საერთაშორისო აეროპორტი - აეროპორტი ქალაქ ბათუმის სამხრეთით, ჭოროხის მარჯვენა სანაპიროზე, ბათუმის ცენტრიდან 8 კილომეტრში.

ბათუმის აეროპორტი ერთ-ერთია საქართველოს სამ საერთაშორისო აეროპორტს შორის, თბილისის საერთაშორისო აეროპორტისა და ქუთაისის საერთაშორისო აეროპორტთან ერთად.

აეროპორტიდან სრულდება საერთაშორისო ფრენები სტამბოლის (ათათურქის საერთაშორისო აეროპორტი), ხარკოვის, სიმფეროპოლის, თეირანის (იმამ-ჰომეინის აეროპორტი), კიევის (ბორისპოლი), ერევნის (ჟვარტნოცი) მიმართულებით. ასევე ადგილობრივი რეისები თბილისის მიმართულებით.

აეროპორტში ფუნქციონირებს საინფორმაციო, სავაჭრო და კვების ობიექტები.

ტრანსპორტი აეროპორტში

ავტობუსი - ბათუმის მუნიციპალური ავტობუსი №10 ემსახურება რეგულარულ მარშრუტს აეროპორტი - ბათუმის ცენტრი. ავტობუსის გაჩერება მდებარეობს ტერმინალის წინ და მგზავრობის ხანგძლივობა ქალაქის ცენტრამდე 20 წუთია.

ტაქსი - ბათუმის აეროპორტში ტაქსის მომსახურებით შეგიძლიათ ისარგებლოთ ტერმინალიდან გასვლისთანავე. ქალაქის ცენტრამდე მანძილს 10 -15 წუთი სჭირდება.

ავტოსადგომი

ბათუმის აეროპორტის კომფორტული ავტოსადგომი მაქსიმალურად არის აღჭურვილი მომხმარებლის ყველა მოთხოვნის შესაბამისად. ავტოსადგომი გათვლილია 100 ავტომობილზე.