თლიის წმ. გიორგის ეკლესია

თლიის წმ. გიორგის ეკლესია მდებარეობს ცხინვალში, ჯავის მუნიციპალიტეტის სოფელ თლიაში. ამჟამად ეს ტერიტორია ოკუპირებულია რუსეთის მიერ. ტაძარი გვიან შუასაუკუნეებშია აგებული. იგი ჯვარგუმბათოვანი ნაგებობაა, შვერილი, წახნაგოვანი აფსიდით. გუმბათის ყელი რვაწახნაგაა, ოთხი სარკმლით. დასავლეთითა და ჩრდილოეთით შემორჩენილია კარიბჭის საბრჯენები. თითო სარკმელია გაჭრილი ჯვრის მკლავებშიც. ტაძრის ყველა სარკმელი თაღოვანია. შესასვლელი სამია: დასავლეთით, ჩრდილოეთითა და სამხრეთით. ეკლესია ძირითადად ფლეთილი ქვითაა ნაგები, ალაგ-ალაგ გამოყენებულია ფიქალი და შირიმი. თლიის წმ. გიორგის ეკლესია ამჟამად საკმაოდ დაზიანებულია.