ტყუპების ღვინის მარანი ნაფარეულში

ტყუპების ღვინის მარანი ნაფარეულში კახეთში, თელავის მუნიციპალიტეტის სოფელ ნაფარეულში მდებარეობს. იგი ძმებმა გამტკიცულაშვილებმა დაარსეს. მათ აღადგინეს XVIII საუკუნის მამა-პაპისეული მარანი აღადგინეს, დაიწყეს ქვევრის ღვინის წარმოება და ერთ-ერთი შესანიშნავი ტურისტული ადგილი შექმნეს. აქ დაგხვდებათ კეთილმოწყობილი სასტუმრო, დასასვენებელი სივრცეები და ტბა, სადაც თევზაობათ შესაძლებელია, აქვე დააგემოვნებთ ტრადიციული კახური მეთოდის დაყენებულ ღვინოს. ძმებმა აქვე მოაწყვეს ქვევრისა და ღვინის მუზეუმი, რომელიც 8 მეტრიანი ქვევრის ძეგლისგან და რამდენიმე დარბაზისგან შედგება, სადაც ქვევრის წარმოებისა და ქვევრში ღვინის დაყენების სრული პროცესია აღწერილი. მუზეუმში წარმოდგენილია „ტყუპების საღვინე სახლის“ 15-წლიანი ღვინოების კოლექცია, ასევე სხვადასხვა საარქივო ფოტომასალა და ინფორმაცია ქართული ვაზის ჯიშების, ქვევრის, მარნის, საწნახლის შესახებ. ტყუპების საღვინე სახლი ერთ-ერთი შესანიშნავი ადგილია კომფორტული დასვენებისა და ღვინის მოყვარულებისთვის, მას უამრავი ტურისტი თუ ადგილობრივი სტუმრობს.