უწერა

კურორტი უწერა რაჭაში, ონის მუნიციპალიტეტში მდებარეობს, მდინარე რიონის ნაპირებზე, ზღვის დონიდან 1050 მეტრზე. კურორტი გამოირჩევა ულამაზესი ბუნებით, ტყეებით, ალპირი მინდვრებითა და ყინულოვანი მწვერვალების საოცარი ხედებით იგი მრავალ დამსვენებელს იზიდავს. უწერა კლიმატურ-ბალნეოლოგიური კურორტია, ზომიერად ცივი ზამთრითა და ხანგრძლივი თბილი ზაფხულით. იანვრის საშუალო ტემპერეტურაა -5 °C, აგვისტოსი კი - 17 °C. მთავარი სამკურნალო ფაქტორებია მთის ჰავა და მინერალური წყალი „უწერა“. ეს კურორტი ერთ-ერთი შესანიშნავი ადგილია მთაში დასვენების მოყვარულთათვის. აქ შეძლებთ კომფორტულ გარემოში, სუფთა ჰაერზე ბუნების სიმშვიდეში განტვირთვას. ასევე შეგიძლიათ მოაწყოთ მცირე გასვლები, პიკნიკები ან ლაშქრობები, თუკი თავგადასავლები და მრავალფეროვნება გიყვართ. უწერა ძალიან ლამაზია, როგორც ზაფხულის სიმწვანეში, ასევე შემოდგომის ფერადოვნებისას. იგი კულტურულ-ისტორიული თვალსაზრისითაც საინტერესოა, სოფელში და მის მიმდებარედ შეგიძლიათ მოინახულოთ შუა საუკუნეებისა ოთხი ეკლესიისა და ციხე სიმაგრის ნანგრევები.