ონის მუნიციპალიტეტი oni municipality

ონი

7
ტურისტული ადგილი
1,368 Area
ფართობი, კმ2
5,883 Population
მოსახლეობა

ონის შესახებ


საუკეთესო პერიოდი: ყველა სეზონი

ონი რაჭა-ლეჩხუმისა და ქვემო სვანეთის მხარეში მდებარე მუნიციპალიტეტია. იგი დიდი ისტორიითა და მრავალფეროვანი, ლამაზი ბუნებით გამოირჩევა. წერილობით წყაროებში ონი პირველად XV-XVI საუკუნეებში იხსენიება. მეცნიერთა ვარაუდით იგი იბერიის მეფე ფარნაჯომმა დაარსა ძვ. წ. II საუკუნეში. ონის ტერიტორიაზე აღმოჩენილია ბრინჯაოს ხანის  ცულები და კოლხური თეთრის განძი, რომელიც ძვ. წ. VI-III საუკუნეებითაა დათარიღებული. შუა საუკუნეებში დიდი იყო ქალაქი ონის ეკონომიკური მნიშვნელობა, აქ იყრიდა თავს ჩრდილოეთი კავკასიიდან, ქართლიდან, იმერეთიდან და ქვემო რაჭიდან მომავალი გზები. რაიონში არის სამრეწველო საწარმოები, ჯანდაცვის, განათლებისა და კულტურის დაწესებულებები. ონში მრავლად გვხვდება შუა საუკუნეების ძეგლები, ციხესიმაგრეები და საინტერესო ტაძრები. მისი ბუნება კი წარუშლელ შთაბეჭდილებას ტოვებს ნებისმიერ ხეტიალისა და მთაში დასვენების მოყვარულ ადამიანზე. უზარმაზარი, დათოვლილი მთებით, ალესილი კლდოვანებით, გრილი ტყეებითა და ხეობებით, ყვავილებით დაფარული მინდვრებითა და ცის კიდეს მიბჯენილი ალპური ტბებით, შეუძლებელია ეს რაიონი არ შეგიყვარდეთ. ცნობილი და პოპულარულია ონის კლიმატურ-ბალნეოლოგიური კურორტები, სადაც მთის სუფთა ჰაერით, სიგრილითა და საოცარი ხედებით ტკბობასა და კომფორტულ დასვენებას შეძლებთ. ვახუშტი ბაგრატიონი ასე აღწერდა ონს: „ხოლო ჯეჯორის შესართავს ზეით და რიონის სამჴრით არს ონი. სახლობენ ურიანი ვაჭარნი და ვაჭრობენ. ონი ჰავით არს მშუენი და ზაფხულის ცხელი, ორთა მთათა შინა კლდოვანთა ყოფითა. არამედ აგრილებს მდინარე რიონი“.


გეოგრაფია და კლიმატი

ონის მუნიციპალიტეტი დასავლეთ საქართველოს ჩრდილო–აღმოსავლეთ ნაწილში, რაჭა-ლეჩხუმისა და ქვემო სვანეთის მხარეში მდებარეობს. მისი ადმინისტრაციული ცენტრია ქალაქი ონი, რომელიც მდებრეობს მდინარე რიონის მარცხენა ნაპირზე, ღრმა ხეობაში, ზღვის დონიდან 830 მ-ზე. რაიონს აღმოსავლეთით ჯავის, დასავლეთით ამბროლაურისა და ლენტეხის, სამხრეთით საჩხერის მუნიციპალიტეტები ესაზღვრება, ჩრდილოეთით კი ყაბარდო-ბალყარეთისა და ჩრდილოეთ ოსეთის რესპუბლიკები. ონი შემდეგი ადმინისტრაციული ერთეულებისგან შედგება: ონი, ღები, ჭიორა, გლოლა, უწერა, გომი, საკაო, ღარი, შეუბანი, კომანდელი, პიპილეთი, ცხმორი, წედისი, კვაშხიეთი, ფარახეთი, ბარი, შქმერი, მრავალძალი, სორი.
მუნიციპალიტეტში ზომიერად ნოტიო ჰავაა, ზომიერად ცივი ზამთრით და ხანგრძლივი, თბილი ზაფხული. საშუალო წლიური ტემპერატურა 10°C, იანვრის საშუალო ტემპერატურაა - 1°C, ხოლო ივლისის - 20.4°C.


რა ვნახოთ

ონის რაიონი მდიდარია კულტურული ძეგლებითა და ბუნების მრავალფეროვნებით. აქ სხვადასხვა პერიოდის მნიშვნელოვანი ციხე-სიმაგრეები და ტაძრები გვხვდება, ნახავთ წინარექრიატიანულ, ბრინჯაოს ხანის ნამოსახლარებს, მეგალითური ციხის ნაშთებსაც და შუასაუკუნების ეკლესიებსაც. განსაკუთრებით ცნობილია XI საუკუნის, უნიკალური ბარელიეფებით მორთული მრავალძალი. სოფელ კვაშხიეთში მდებარეობს ციკლოპური ნაციხარი, იგი აღსანიშნავი ზეგლია, რადგან დასავლეთ საქართველოში ციკლოპური ნაციხარ-ნამოსახლარების შესახებ ინფორმაცია არ მოიპოვება. ასევე საინტერესო ძეგლებია XIX საუკუნეში აგებული ონის სინაგოგა, რომელიც ამჟამად უმოქმედოა და შუა საუკუნეების გალავანი. ონში ფუნქციონირებს მხარეთმცოდნეობის მუზეუმი, სადაც დაცულია ქვის ხანიდან გვიანფეოდალურ ხანამდე პერიოდის არქეოლოგიური მასალა. მათ შორისაა: ბრინჯაოს ცხვრის ქანდაკება, ჭვირული ასტრალური ბალთები, ხარის საბუზარები, ქალის სამკაულები, საბრძოლო და შრომის იარაღის სეგმენტები; X-XI -ის წმგიორგისა და წმსამების ეკლესიების არქიტექტურული დეტალები და რელიეფის ფრაგმენტები, X-XIV სს-ისფულის ნიშნები, XIX -ის ეთნოგრაფიული ხასიათის მასალები, ხელნაწერი და ბეჭდური წიგნები, XX -ის ცნობილქართველ მხატვართა ფერწერული ტილოები და სხვა. ექსპონატთა უმრავლესობა ბრინჯაოს ხანას განეკუთვნება. ონი ბუნების მხრივაც გამორჩეული რაიონია. აქ შეგიძლიათ, როგორც შესანიშნავი გარემოს მქონე კურორტებზე კომფორტული და გამაჯანსაღებელი დასვენება, ასევე თავგადასავლებით და მოულოდნელი შთაბეჭდილებებით სავსე ლაშქრობების მოწყობა. უამრავ მთის მოყვარულს იზიდავს აქაური ალპური მდლოები, გრანდიოზული მთები და ლურჯად მოკამკამე უძირო ტბიდან დანახული კავკასიონის მწვერვალები. აქ მრავალი საინტერესო ბილიკია მყინვარებსა და ტბებზე ხეტიალისთვის.


ბუნება


კულტურული ძეგლები

  • მრავალძალი
  • ონის ციხე
  • გონის მთავარანგელოზის ეკლესია
  • სხიერის მონასტერი, "მირიანული უძრავი წმინდა გიორგი"
  • ჯოისუბნის „მცხეთის წმ. გიორგი“
  • ბრილის ნამოსახლარი და ეკლესია


კურორტები


ყველა ადგილის სანახავად დააჭირეთ აქ


სოფელი შოვი village Shovi
შოვი

შოვი — კლიმატურ-ბალნეოლოგიური კურორტი ონის მუნიციპალიტეტში, მდებარეობს რაჭა-ლეჩხუმი და ქვემო სვანეთი...

სოფელი ღები village Gebi
ღები

ღები — სოფელი ონის მუნიციპალიტეტში. მდებარეობს რაჭა-ლეჩხუმი და ქვემო სვანეთის მხარეში, მდინარე რიონ...

გლოლა
გლოლა

გლოლა — სოფელი საქართველოში, რაჭა-ლეჩხუმისა და ქვემო სვანეთის მხარეში, ონის მუნიციპალიტეტში. მდებარე...

სოფელი ჭიორა village Chiora
ჭიორა

ჭიორა — სოფელი საქართველოში, რაჭა-ლეჩხუმისა და ქვემო სვანეთის მხარის ონის მუნიციპალიტეტში, თემის ცენ...

იხილეთ ასევე

შოვი — კლიმატურ-ბალნეოლოგიური კურორტი ონის მუნიციპალიტეტში, მდებარეობს რაჭა-ლეჩხუმი და ქვემო სვანეთის მხარეში, მდინარე ჭანჭახის (რიონის მარცხენა შენაკ...

ღები — სოფელი ონის მუნიციპალიტეტში. მდებარეობს რაჭა-ლეჩხუმი და ქვემო სვანეთის მხარეში, მდინარე რიონის მარცხენა მხარეს. ზღვის დონიდან 1350 მეტრზე. ონი...

მარშრუტზე ნახავთ რიონის ხეობასა და სათავეს, საკაოს ხეობას, ლუხუნის უღელტეხილს, დაჯი ლოს, თეკოს და ხატიას ტბებს. მარშრუტი მდიდარია პანორამული ხედებით...

სასვანოს ტბები მდებარეობს სამეგრელო ზემო სვანეთში მდინარე რიონის ხეობაში ზღვის დონიდან 2680 მეტრზე.  ტბა განლაგებულია თხემზე საიდანაც ულამაზესი ხედი ი...

გლოლა — სოფელი საქართველოში, რაჭა-ლეჩხუმისა და ქვემო სვანეთის მხარეში, ონის მუნიციპალიტეტში. მდებარეობს კავკასიონის მთავარი წყალგამყოფი ქედის სამხრეთ ...

ჭიორა — სოფელი საქართველოში, რაჭა-ლეჩხუმისა და ქვემო სვანეთის მხარის ონის მუნიციპალიტეტში, თემის ცენტრი.ისტორია ხალხური თქმულების მიხედვით თავდაპირველ...

სვლა იწყება სოფელი შქმერიდან კვეთს მდინარე ხეორს და მიემართება მთა ხიხათისკენ. მარშრუტი ნაწილი გადის საჩხერის მუნიციპალიტეტის ტერიტორიაზე. საჩხერის მუ...

მარშრუტი იწყება სოფელი ღების შესასვლელთან. მარშრუტი მიუყვება საავტომობილო გზას და ადის სოფელ გონაში სადაც გათვალისწინებულია ღამის სათევი ადგილი.  სოფლ...

სვლა იწყება სოფელი შქმერიდან კვეთს მდინარე ხეორს და მიემართება მთა ხიხათისკენ. მარშრუტი ნაწილი გადის საჩხერის მუნიციპალიტეტის ტერიტორიაზე. საჩხერის მუ...

მარშრუტი იწყება სოფ.ჭიორას შესასვლელთან, გაივლის სოფელს და შედის პატარა მდინარე ხოლის ხეობაში. სოფლის გასასვლელთან არის წყარო. წყაროდან ჩრდილო აღმოსავ...

მარშრუტი იწყება კურორტი შოვის ჩრდილო აღმოსავლეთით და მდ. ბუბის წყლის ხეობით მიემართება ბუბას მთისკენ. 650 მეტრის შემდეგ მარშრუტი შედის მდ. ბუბის წყლის...

უძირო ტბა (იგივე სახელი რამდენიმე ტბას ქვია) რაჭაში, ონის მუნიციპალიტეტში, კერძოდ სოფლების გლოლასა და შოვის მახლობლად მდებარეობს, მწვერვალი კატიწვერას...

მწვერვალი ხიხათა - 2239მ, სოფელი შქმერისა და უშოლთის მიდამოები მდიდარია ლამაზი ხედებით, სოფელი შხივანა, სოფლეი ბეთლევი, სოფელი სხარტალი, შაორის წყალსა...

იხილეთ ასევე
review

დასვი კითხვა

გაქვთ კითხვა ამ ადგილის შესახებ?
დასვი კითხვა ნებისმიერ თემაზე, ჩვენ მზად ვართ, დაგეხმაროთ.

დასვი კითხვა
review

შეაფასეთ ადგილი

გაუზიარე სხვებს შენი გამოცდილება.
შეაფასე ადგილი, გაგვიზიარე შენი აზრები, დადებითი და უარყოფითი შთაბეჭდილებები.
გავუმარტივოთ მოგზაურობა ერთმანეთს.

შეაფასე
შეაფასე

დასვი კითხვა

შეაფასე ონი

საშინელი!

ცუდი!

კარგი!

ძალიან კარგი!

შესანიშნავი!