აღწერა


საუკეთესო პერიოდი: ზაფხული, სექტემბერი

უძირო ტბა (იგივე სახელი რამდენიმე ტბას ქვია) რაჭაში, ონის მუნიციპალიტეტში, კერძოდ სოფლების გლოლასა და შოვის მახლობლად მდებარეობს, მწვერვალი კატიწვერას დასავლეთ ფერდობზე, ზღვის დონიდან 2800 მეტრზე. ტბიდან ულამაზესი ხედი იშლება კავკასიონზე. უძირო ტბის საფეხმავლო მარშრუტი იწყება სოფელი შოვიდან, სასტუმრო სანსეთ შოვამდე დაახლოებით 1 კილომეტრით ადრე. გზაზე გაკეთებული მონიშვნის ბოძი ზუსტად მიგანიშნებთ როგორც ბილიკის მიმართულებას, ისე მანძილსა და ლაშქრობისთვის საჭირო დროს დანიშნულების წერტილებამდე. აღსანიშნავია, რომ მარშრუტი სრულად არის მონიშნული, როგორც ტყიან, ასევე ალპურ მონაკვეთებზე, ასე რომ გზის აბნევის საფრთხე ფაქტობრივად არ არსებობს.

მარშრუტის დასაწყისში ბილიკი შედის ტყეში, მიუყვება ციცაბო ფერდობს და მკვეთრად კრეფს სიმაღლეს. გასათვალისწინებელია, რომ წყლის მომარაგება მარშრუტის საწყის წერტილზე არსებულ წყაროსთან სჯობს, რადგან შემდგომი 2 საათის განმავლობაში წყალს ვერ შეხვდებით, ვიდრე ბილიკი ხეობის შუაწელთან მდინარეს არ მიუახლოვდება. ტყიდან გასვლისას, მას შემდეგ რაც ალპურ ზონაში გადაინაცვლებთ, ბილიკი სწორდება და მიუყვება ხეობის შუაწელს, მდინარის სათავისკენ, მის მარცხენა ნაპირზე. ხეობის ქვაბულითან მიღწევის შემდეგ, ბილიკი მკვეთრად უხვევს მარჯვნივ და უღელტეხილისკენ მიიწევს. უღელტეხილი კატიწვერასა და დოლომისისწვერის მთებს შორის გადადის და პირდაპირ უძირო ტბისკენ ეშვება. უღელტეხილიდან ტბამდე მანძილი დიდი არაა, თუმცა რთული რელიეფისა და კლდის ნაშალის გამო, ტბამდე მისაღწევად დაახლოებით ერთი საათი დაგჭირდებათ. პირველ დღეს ჯამში 6-7 საათი მოგიწევთ ფეხით სიარული. იშვიათი გამონაკლისების გარდა გზად აღმართია და საკმაოდ დამღლელიც.
ტბასთან მისვლის შემდეგ თქვენს თვალწინ გადაიშლება ულამაზესი ხედი რაჭის კავკასიონსა და მდინარე ჭანჭახის ხეობაზე, კარგ ამინდში კი სვანეთის მწვერვალების დანახვასაც შეძლებთ. კამკამა ტბის ზედაპირზე მწვერვალების მიმზიდველი სილუეტები აირეკლება, რაც მნახველს განსაკუთრებით ხიბლავს და დიდ შთაბეჭდილებას ახდენს. დაბანაკება შესაძლებელია ტბასთანაც, თუმცა თუ ავდარია მოსალოდნელი, ტბის მარცხენა მხარეს, შედარებით შემაღლებულ ადგილზე დაბანაკებას გირჩევთ, რათა წვიმის დროს მთებიდან ჩამოდინებული წყალი კარვებში არ შემოვიდეს.

მეორე დღის ნახევარზე მეტი შეგიძლიათ გარემოთი ტკბობას, დროსტარებასა და ფოტოების გადაღებას მიუძღვნათ. აუცილებლად აირბინეთ ტბის მარჯვენა მხარეს ფერდობზე საიდანაც განსაკუთრებული სილამაზით იშლება როგორც საკუთრივ უძირო ტბის, ასევე კავკასიონის თვალშეუდგამი მწვერვალების ხედები. ვინაიდან მარშრუტი წრიულია, დაბრუნებისას იგივე გზის გავლა არ მოგიწევთ. ტბიდან მარჯვნივ მცირე აღმართზე ასვლის შემდეგ, ბილიკი ეშვება სოფელ გლოლაში. უძირო ტბიდან გლოლამდე 9 კმ-ია და მის გასავლელად დაახლოებით 3-4 საათია საჭირო.

ხანგრძლივობა
2 დღე
სირთულე
საშუალო
მანძილი
20 კმ
მანძილი დედაქალაქიდან
360 კმ

ჩვენი გიდები მზად არიან დაგეხმარონ ამ მარშრუტზე

27798218_2076211602649485_920825 13891881_1062705333765157_135766 13198397_1108281659211461_125501
+8
რუკა

გეგმა

კითხვები და პასუხები

Shotiko Pruidze
Shotiko Pruidze

მოგესალმებით,
პირველ რიგში მინდა მადლობა გითხრათ ასეთი კარგი საიტის შექმნისთვის.
რაც შეეხება უძიროს მარშრუტს, მინდა გთხოვოთ სირთულის დაკორექტირება, რადგან ნამდვილად არ არის მარტივი. ეს მარტი ჩემი აზრი არ არის, ამის შესახებ გამოცდილ მოლაშქრეებსაც ვესაუბრე და მათაც დამიდასტურეს.
3-4 აგვისტოს ვიყავი უძიროზე და მარტივი სირთულის ბილიკად ვერ შევაფასებ, რადგან მე იქ ვნახე უკან მობრუნებული ახალგაზრდა ბიჭები, ატირებული გოგოები, (რომლებიც ნანობდნენ წამოსვლა) და ძალა გამოცლილი გამოცდილი მოლაშქრეები.
სირთულის დაკორექტირებას იმიტომ გთხოვთ რომ გამოუცდელმა მოლაშქრეებდა მცდარი წარმოდგენა არ შეიქმნან ამ მარშრუტზე.
P.S თუმცა იქ ასულს ყველაფერი გავიწყდება და თავს სრულ ნეტარებაში გრძნობ.
... დეტალურად

მოგესალმებით,
პირველ რიგში მინდა მადლობა გითხრათ ასეთი კარგი საიტის შექმნისთვის.
რაც შეეხება უძიროს მარშრუტს, მინდა გთხოვოთ სირთულის დაკორექტირება, რადგან ნამდვილად არ არის მარტივი. ეს მარტი ჩემი აზრი არ არის, ამის შესახებ გამოცდილ მოლაშქრეებსაც ვესაუბრე და მათაც დამიდასტურეს.
3-4 აგვისტოს ვიყავი უძიროზე და მარტივი სირთულის ბილიკად ვერ შევაფასებ, რადგან მე იქ ვნახე უკან მობრუნებული ახალგაზრდა ბიჭები, ატირებული გოგოები, (რომლებიც ნანობდნენ წამოსვლა) და ძალა გამოცლილი გამოცდილი მოლაშქრეები.
სირთულის დაკორექტირებას იმიტომ გთხოვთ რომ გამოუცდელმა მოლაშქრეებდა მცდარი წარმოდგენა არ შეიქმნან ამ მარშრუტზე.
P.S თუმცა იქ ასულს ყველაფერი გავიწყდება და თავს სრულ ნეტარებაში გრძნობ.

Ucha Gviniashvili
Ucha Gviniashvili

გამარჯობა, სწორი შენიშვნაა მარტივი ნამდვილად არ არის. შევცვალეთ კატეგორია. გმადლობთ, რომ სარგებლობთ ჩვენი ვებგვერდით.

Keti Gelutashvili
Keti Gelutashvili

15წლის ბავშვი შესძლებს ლაშქრობას უძირო ტბაზე?გლოლადან უფრო მოკლე ყოფილა და დაახლოებით რამდენი საათის გზაა?.მადლობა წინასწარ.

Davit Merabishvili
Davit Merabishvili

მოგესალმებით, ძნელია ასაკის მიხედვით გირჩიოთ. საშუალოდ 6 საათია ფეხით სასიარულო ერთი გზა. გასავლელი მანძილი ერთი მხარე გლოლის მხრიდან არის 8კმ, სიმაღლეში გიწევთ აკრიფოთ 1350 მეტრი. მაგ ასაკის ბავშვები უმჯობესია წაიყვანოთ გლოლის მხრიდან, რადგან ნაკლებად არის სახიფათო მონაკვეთი.

2 შეფასება

5
Levan Gobechia
Levan Gobechia

შემოდგომაზე ვიყავი, ახალი ჩამოთოვილი იყო მწვერვალებზე. ძალიან ლამაზი იყო იქაურობა.
I visited Udziro Lake few years ago in autumn. Tops of the mountains were covered with fresh snow and there were an incredible views.
На озеро Удзиро я был осенью. Вершины гор были покрыты новым снгом. Вокруг былы обваражетельные виды.

Giorgi Jmukhadze
Giorgi Jmukhadze

განსაკუთრებით ლამაზია ივლისის ბოლოს ან აგვისტოს დასაწყისში, სავსეა ფერადი ყვავილებით და რა თქმა უნდა ხედებით..
It's especially beautiful end of July or beginning of August when are full of flowering with amazing views.

შეაფასე

დასვი კითხვა

შეაფასე უძირო ტბა

საშინელი!

ცუდი!

კარგი!

ძალიან კარგი!

შესანიშნავი!