აბასთუმანი - ობსერვატორია - თამარის ციხე

სალაშქრო მარშრუტი იწყება აბასთუმანში და მიემართება აბასთუმნის ობსერვატორიისკენ. ტყეში ბილიკი კარგად ეტყობა და მარკირებაც ძლიან კარგად არის გაკეთებული.

მარშრუტი მიემართება აბასთუმნის ობერსვატორიისკენ და გიწევთ ტყეში აღმართებზე სიარული, თუმცა ბილიკი კარგადაა გაკეთებული და აღმართებზე ასვლა ძალიან არ გაგიჭირდებათ. აბასთუმნის ობსერვატორიაში შესვლა შესაძლებელია ჯგუფის შემთხვევაში, როგორც დღისით ასევე ღამის საათებში.

ობსერვატორიიდან ბილიკი მიემართება თამარის ციხეზე, თუმცა გზად არის გადასახვევი პანორამულ გადასახედზე, საიდანაც ულამაზესი ხედები იშლება აბასთუმანსა და მის შემოგარენზე. გადასახედიდან კვლავ ბრუნდებით მთავარ ბილიკზე და მიემართებით თამარის ციხისკენ, რომლის მონახულების შემდეგ დაეშვებით აბასთუმნის შესასვლელში.

გთხოვთ გაითვალისწინოთ, რომ საწყისი და დასასრული ლოკაციები განსხვავებულია და მარშრუტი არ არის ბოლომდე წრიული.