ზედა თმოგვის წმინდა გიორგის ეკლესია

ზედა თმოგვის ეკლესია მდებარეობს სამცხე-ჯავახეთში, ასპინძის მუნიციპალიტეტის ნასოფლარ ზედა თმოგვში.

ტაძარი ნაგებია კარგად გათლილი რუხი ქვით, გადახურულია ლორთფინებით. მაღალი და განიერი ცენტრალური ნავი გევრდის ნავებისაგან ორ წყვილ ბოძზე დაყრდნობილი სამ-სამი თაღითაა გამოყოფილი. სამხრეთ ფასადზე სწორკუთხა ჩარჩოში ჩასმული ჩუქურთმებითა და წარწერებით შემკული შესასვლელია. ბაზილიკის ჩრდილოეთ კედელში ჩართულია VIII–IX საუკუნეების მცირე ზომის დარბაზული ეკლესიის სამხრეთი კედელი შესასვლელითურთ. ბაზილიკის ერთ-ერთი წარწერიდან ირკვევა, რომ იგი აუგია იოვანე ჭიმჭიმელის ძეს ერისთავთ-ერისთავს ფარსმანს, წარწერაში მოიხსენიბა უფლისწული ბაგრატი და დედოფალი მარიამ არწრუნი. ძეგლს რამდენიმე აღდგენა-გადაკეთების კვალი ემჩნევა.

ნოშას წარწერა ტაძრის სამხრეთის ფასადზე (XI საუკუნე)

„ქრისტე, შეიწყალე სული ნოშასი, ესე კუთხი მისია.“

ანტონის წარწერა ტაძრის სამხრეთ ფასადზე (XI საუკუნე)