ზღუბირის ეკლესია

ზღუბირის ეკლესია მდებარეობს ცხინვალის რეგიონში, ჯავის მუნიციპალიტეტის სოფელ ზღუბირში. ძეგლი ქართულ-ოსური კონფლიქტის შემდეგ მოექცა რუსეთის მიერ ოკუპირებულ ტერიტორიაზე. თაძარი აგებულია გვიან შუასაუკუნეებში. ნაგებობა ჯვარგუმბათოვანია და ჯავის რაიონში არსებული გუმბათოვანი ტაძრების ანალოგიურია. ეკლესიას აღმოსავლეთით შვერილწახნაგოვანი აფსიდი აქვს. გუმბათის ყელი რვაწახნაგაა და რვავე წახნაგში თითო სარკმელია გაჭრილი. სარკმლები თაღოვანია. ტაძარს ჩრდილოეთით, სამხრეთით და დასავლეთით მიდგმული აქვს კარიბჭეები. ნაგებობა აშენებულია ფლეთილი, ვულკანური, ფიქალისა და შირიმის ქვით.