GoCaucasus.today - ვებგვერდი, რომელიც დაგეხმარებათ კავკასიის აღმოჩენაში

თუ თქვენ ეძებთ სათავგადასავლო ტურიზმის, ეკოტურიზმის ან მწვანე ტურისტული ადგილის ახალ მიმართულებას, კავკასია შეიძლება იყოს თქვენი გეგმების დასაწყისში . ყოველი მოგზაურობა იწყება დანიშნულების ადგილის შესახებ ინფორმაციის მოძიებით. ინტერნეტისა და საძიებო სისტემების წყალობით ახალი ადგილების აღმოჩენა ჩვენ შეგვიძლია მსოფლიოს ნებისმიერი ადგილიდან. რადგანაც კავკასია სულ უფრო და უფრო პოპულარული ხდება თავგადასავლების მოყვარულებს შორის, მნიშვნელოვანია, რომ მოგზაურებისთვის ყველა შესაძლო აქტივობისა და ტურისტული მიმართულების მოძიება შეიძლებოდეს ინტერნეტში. ახალი პლატფორმა GoCaucasus.today შექმნილია, რათა დაეხმაროს თითოეულ მოგზაურს სასურველი დანიშნულების ადგილისა და გამოცდილების პოვნაში.

ვებგვერდი შეიქმნა პროექტის Digital Caucasus-ის ფარგლებში, რომელსაც ახორციელებს CENN, USAID-ის ევროპისა და ევრაზიის ბიუროს, ეკონომიკური განვითარების, მმართველობისა და საწარმოთა ზრდის პროექტის გრანტის მეშვეობით. იგი მიზნად ისახავს არა მხოლოდ მოგზაურთა მხარდაჭერას, არამედ საქართველოს, სომხეთისა და აზერბაიჯანის საუკეთესო მიმართულებისა და შეთავაზებების პოპულარიზაციას.

ვებ-გვერდზე შეგიძლიათ იპოვოთ შემდეგი აქტივობები: ზიპლაინი, პარაპლანი, კლდეზე ცოცვა, ჯომარდობა და ფრინველებზე დაკვირვება, საჰაერო ბურთით ფრენა, ბანჯი-ჯამპინგი, სამთო ტურიზმი, ველოტურები, ლაშქრობა, თევზაობა და სხვ. ძირითადად ყველაფერი, რისი წარმოდგენაც ან რაზე ოცნებაც შეგიძლიათ. საიტი გთავაზობთ ვრცელ მრჩეველს რეგიონის ეროვნულ პარკებსა და პროფესიონალ ტუროპერატორებზე, რომლებიც სიამოვნებით დაგეხმარებიან ტურის დაგეგმვაში. წარმოიდგინეთ მოლაშქრე, რომელიც ეძებს თავგადასავლებს. შესაბამის ფოტოზე ერთი დაწკაპუნებით, იგი ნახავს საქართველოს, სომხეთის ან აზერბაიჯანის სალაშქრო მარშრუტებს. სასურველი ქვეყნის არჩევის შემდეგ მომხმარებელი იხილავს უამრავ მიმზიდველ ლოკაციას, საიდანაც იგი გადამისამართება შესაბამის საიტზე დეტალური ინფორმაციისთვის.

რეგიონის 31,8% დაცული ტერიტორიებს უკავია, არის 27 ეროვნული პარკი. კავკასიაში ბევრი ადგილია რისი აღმოჩენა და მონახულებაც შეგიძლიათ: ალპური მთები, მწვანე ტყეები, ტბები, ზღვები, მშვენიერი ფართო ველები და უამრავი ლამაზი ადგილი, რომელთა ნახვაც გულს აგიჩქარებთ. საიტი აერთიანებს 120 ილუსტრაციას და გაწვდით ინფორმაციას ბიომრავალფეროვნების შესახებ სამხრეთ კავკასიაში (ძირითადად საქართველოში) რუკის ელექტრონულ ვერსიაზე. პორტალზე წარმოდგენილია სამხრეთ კავკასიის მცირე და საშუალო ბიზნესები თავის ბმულებით მათ საიტებსა თუ ონლაინ დაჯავშნის პლატფორმებზე, რათა მათი დაჯავშნა უფრო მარტივი იყოს.

GoCaucasus არის პირველი ტურისტული პორტალი, რომელიც მოიცავს კავკასიის რეგიონს, რომელიც მოგზაურებს ემსახურება როგორც გზამკვლევი, რომელიც ვიზიტორებს აწვდის ამომწურავ ინფორმაციას რეგიონში უნიკალური მწვანე ტურისტული შესაძლებლობების შესახებ. პორტალი შეიცავს ბმულებს ყველა შესაბამის ინტერნეტ და სხვა ტიპის ტურისტულ რესურსებზე, რაც საშუალებას იძლევა პორტალზე განთავსებული ინფორმაცია იყოს უახლესი და ადვილად ხელმისაწვდომი მისი ვიზიტორებისთვის.

ვიმედოვნებთ, რომ ეს ახალი რესურსი დაგეხმარებათ დაგეგმოთ თქვენი მომავალი მოგზაურობა კავკასიაში.