29 მარტი, 2020

საქართველოს გეოგრაფია

კატეგორია: ინფორმაცია

საქართველო პატარა ქვეყანაა ევროპისა და აზიის გასაყარზე, კავკასიაში. მისი დედაქალაქი თბილისია. დასავლეთიდან საქართველოს შავი ზღვა ესაზღვრება, ჩრდილოეთით - რუსეთის ფედერაცია, სამხრეთ-აღმოსავლეთით - აზერბაიჯანი, სამხრეთით კი - სომხეთი და თურქეთი. მიუხედავად იმისა, რომ ქვეყნის ფართობი სულ რაღაც 69 700 კმ2-ა, ის ლანდშაფტის დიდი მრავალფეროვნებით გამოირჩევა. აქ ნახავთ მწვერვალებს, ალპურ მდელოებს, გაშლილ ვაკეებს, უდაბნოებს, ზღვას და დაბურულ ტყეებს. მთლიანი ფართობის 8.62 % დაცულ ტერიტორიებს უჭირავს, ასე რომ აქ შეგიძლიათ ველური, ხელუხლებელი ბუნებით ტკბობა.

საქართველო სუბტროპიკული და ზომიერი კლიმატური სარტყლების მიჯნაზე მდებარეობს, ამიტომაც ჰავაც სხვადასხვა ტიპის გვხვდება (ნოტიო სუბტროპიკული, ზომიერად ნოტიო, ზომიერად მშრალი და მშრალი-კონტინენტური). ზაფხული აქ მზიანია, ტემპერატურა 29 °C-დან 33°C-მდე მერყეობს, ზამთარში კი -2°C-დან 4°C-მდე. ჰავის თავისებურებებიდან და მინერალური წყლების სიმრავლიდან გამომდინარე საქართველოში მრავალი კლიმატური და ბალნეოლოგიური კურორტია.

ზღვა და ოქროს მზე, თეთრ საბანში გახვეული ზამთრის კურორტები, ლაშქრობები მწვერვალებსა თუ ალპურ ტბებზე, დასვენება ტყისპირა კოტეჯში, აფერადებული უდაბნოები, ჯადოსნური მღვიმეები, ჩანჩქერები, კანიონები, ექსტრემალური სპორტი თუ კომფორტულად, სიმშვიდეში განტვირთვა, აქ სხვადასხვა სურვილებისა და ინტერესების მქონე ადამიანი იპოვნის ადგილს, სადაც ბედნიერად იგრძნობს თავს და დაუვიწყარ შთაბეჭდილებებს მიიღებს. საქართველოს ბუნების სილამაზე გულგრილს არავის ტოვებს და ხელოვანთა შთაგონების წყაროც ხშირად გამხდარა.


თეგები: #გეოგრაფია
კომენტარები

კომენტარის დასამატებლად გთხოვთ, გაიაროთ ავტორიზაცია

დაწერეთ კომენტარი

დაწერეთ კომენტარი