ელიას ციხე

ელიას ციხე აჭარაში, ქობულეთის მუნიციპალიტეტში მდებარეობს, ჭახათის მთაზე, მასიური კლდით დაბოლოებულ ქიმზე, ზღვის დონიდან 1150 მეტრზე. იგი შუასაუკუნეების ნაგებობაა. იგი ნაკლებადაა გამოკვლეული და სადაზვერვო -სათვალთვალო პუნქტად გამოიყენებოდა. გადმოცემის მიხედვით ციხე ვინმე ელია დიასამიძეს აუშენებია გატაცებულ ტყვეთა დასამალად. ასევე არსებობს გადმოცემა, რომ ის ოსმალთა ბატონომის ხანაში, იგი ტყვეთა გაყიდვის ერთ-ერთ პუნქტს წარმოადგენდა. ციხეს ოვალური ფორმა აქვს. გალავნის ფრაგმენტები ზოგან 3-4 მეტრს აღწევს, ზოგან კი კლდე ქმნის კედელს. ციხე-სიმაგრის ტერიტორიაზე სხვადასხვა ნაგებობათა ნაშთები შეინიშნება. საშენ მასალად გამოყენებულია მოზრდილი რიყისა ქვები და ფლეთილი ქვიშაქვა. კედლის სისქე 1 მეტრია. ჩრდილოეთის მხარეს კოშკი ყოფილა, რომელიც აღარ არსებობს. ციხის საერთო ფართობი დაახლოებით 80 მ2-ია. ელიას ციხეს ორი მხრიდან აქვს მისადგომი, ნაცხავატევიდან და გოგმაჩაურიდან.