ქობულეთი, აჭარა - Kobuleti, Adjara

ქობულეთი

5
ტურისტული ადგილი
731 Area
ფართობი, კმ2
73,399 Population
მოსახლეობა

ქობულეთის შესახებ


საუკეთესო პერიოდი: ყველა სეზონი

ქობულეთი — ქალაქი დასავლეთ საქართველოში, აჭარის მხარეში, ქობულეთის მუნიციპალიტეტის ადმინისტრაციული ცენტრი. მდებარეობს ქობულეთის დაბლობზე, შავი ზღვის სანაპიროზე, ზღვის დონიდან 5 მეტრზე. 


ისტორია

ქობულეთი განსაკუთრებით მდიდარია ქვის ხანის, ადრე ფეოდალური და ანტიკური ძეგლებით. მუნიციპალიტეტის ტერიტორიაზე აღმოჩენილია ქვის ხანის ორი არქეოლოგიური ძეგლი (ხუცუბნისა და ქობობულეთის არქეოლოგიური ძეგლები) და ერთი ბრინჯაოს ხანის არქეოლოგიური ძეგლი (ჩაისუბანი). ქობულეთის მუნიციპალიტეტის ტერიტორია წარმოადგენდა ქვემო გურიას და შედიოდა გურიის სამთავროში. XV-XVIII საუკუნეებში მუდმივი დავის საგანი იყო გურიის სამთავროსა და ოსმალეთის იმპერიას შორის. 1774 წელს ის საბოლოოდ მიისაკუთრა ოსმალეთის იმპერიამ. საზღვარი მდინარე ცხრაფონაზე გაივლო. დაიწყო ამ მხარის გამაჰმადიანების პროცესი, რომელიც ერთი საუკუნე გაგრძელდა. მუნიციპალიტეტის ტერიტორია ქმნიდა ჩურუქ-სუს ოლქს, რომელიზ ლაზისტანის სანჯაყში შედიოდა. რუსეთის იმპერიას ჩურუქ-სუს მიერთება შეეძლო 1829 წელს, მაგრამ ადრიანოპოლის ხელშეკრულებაში დაშვებული ტექნიკური ხარვეზის გამო პირიქით, საზღვარმა უფრო ჩრდილოეთით გადაიწია და მდინარე ჩოლოქზე გაიარა.

1865 წლის მონაცემებით ჩურუქ-სუში 16 სოფელი შედიოდა, სადაც 17 მეჩეთი და ათი მედრესე იყო, ხოლო ცხოვრობდა 3592 ქართველი მუსლიმი და 538 მუჰაჯირი. მოსახლეობა აწარმოებდა სიმინდსა და სამშენებლო ხე-ტყეს. 1873 წელს დიმიტრი ბაქრაძის ცნობით ადგილობრივ მოსახლეობას ჰქონდა თურქული გვარები, მაგრამ ახსოვდათ ქართული წარმომავლობა და იყენებდნენ ქართულ გვარებსაც.

ჩურუქ-სუს მითვისება რუსეთის იმპერიამ მოახერხა 1878 წელს, რუსეთ-ოსმალეთის ომის შემდეგ. რუსეთმა ის ბათუმის ოლქის, ბათუმის ოკრუგის შემადგენლობაში შეიყვანა კინტრიშის უბნის სახით. 1930 წელს შეიქმნა ქობულეთის რაიონი.


ღირსშესანიშნაობები

მუნიციპალიტეტის ტერიტორიაზე მდებარეობს კინტრიშის სახელმწიფო ნაკრძალი, რომელიც მდიდარია კოლხური ბზისა და უთხოვარის კორომებით, არის პატარა ტბები და ჩანჩქერები. კინტრიშის ხეობაში შემორჩენილია თაღოვანი ხიდები. შუა საუკუნეების ხიდებია კობალაურსა და ვარჯანაულში, ხოლო სოფელ ქობულეთის XIX საუკუნის ხიდი ამჟამადაც ფუნქციურად დატვირთულია.

მუნიციპალიტეტის ტერიტორიაზე ასევე მდებარეობს ქობულეთის აღკვეთილი.

ისტორიული ძეგლები


ეკლესიები

ხინოწმინდა, თეთროსნის წმინდა გიორგის ეკლესია, დაგვას ღვთისმშობლის მიძინების ეკლესია, კვირიკეს წმინდა გიორგის ეკლესია, კვირიკეს წმინდა მოციქულთასწორი ელენე დედოფლის ეკლესია, ზემო აჭყვას წმინდა თეოდორე ტირონის ეკლესია, ქვემო აჭყვას წმინდა გიორგის ეკლესია, ჩაქვის მიქაელ და გაბრიელ მთავარანგელოზთა ეკლესია, ზედა კვირიკეს წმინდა ქალწულმოწამე კერკირას საყდარი, ცხემვანის წმინდა გიორგის მამათა მონასტერი, ბობოყვათის სამი მღვდელმთავრის ეკლესია, ქობულეთის ამაღლების ეკლესია, ციხისძირის წმინდა ალექსანდრე ოქროპირიძის ეკლესია, ქობულეთის გრიგოლ ხანძთელის ეკლესია, ქობულეთის წმინდა მღვდელმოწამე კირიონ მეორის ეკლესია, პეტრას ციხის წმინდა იოანე ნათლისმცემლის ნატაძრალი, ცხრაფონას წმინდა გიორგის მამათა მონასტერი, კვირიკეს წმინდა ელენესა და კონსტანტინეს ეკლესია, ზემო აჭყვას წმინდა პეტრე-პავლეს ეკლესია, ბობოყვათის წმინდა მღვდელმოწამე ამბროსი ხელაიას დედათა მონასტერი, საჩინოს წმინდა დიმიტრი თესალონიკელის ეკლესია, დაგვას აღდგომის ეკლესია, ქობულეთის ყოვლადწმიდა ღვთისმშობლის შეუსმელი ბარძიმის სამლოცველო, ზემო სამების ყოვლადწმინდა სამების ეკლესია, ქობულეთის ღვთისმშობლის ტაძრად მიყვანების ეკლესია, ოჩხამურის ღირსი სერგი რადონეჟელის, წმინდა გიორგი და იოანე აღმსარებელთა, წმინდა გაბრიელ აღმსარებელისა და სალოსის ეკლესია, ქაქუთის ღვთისმშობლის მიძინების ეკლესია, ციხისძირის წმინდა გიორგი მთაწმინდელის ეკლესია, ალამბრის წმინდა ბასილი დიდის ეკლესია, ხუცუბნის წმინდა წინასწარმეტყველ ილია თეზბიტელის ეკლესია.


მდებარეობა
41.810427, 41.779698
მანძილი დედაქალაქიდან
345 კმ
რეკომენდებული დრო
1 დღე

ჩვენი გიდები მზად არიან დაგეხმარონ ამ ადგილის მონახულებაში

13891881_1062705333765157_135766 cop IMG_0005
+3
IMG_1246
ტბიყელის ტბა

ტბიყელის ტბა - მდებარეობს აჭარაში, ქობულეთის მუნიციპალიტეტში, კინტრიშის ეროვნული პარკის ტერიტორ...

პეტრას ციხე, აჭარა - Petra Castle, Adjara
პეტრას ციხე

პეტრას ციხე - ისტორიული ციხე-ქალაქი აჭარაში, ქობულეთის მუნიციპალიტეტში, სოფელ ციხისძირის ტერიტორიაზე...

საინტერესო მარშრუტები ქობულეთში

იხილეთ ასევე

ქობულეთის ეროვნული პარკი - მდებაორებს აჭარის მხარეში, ქობულეთის მუნიციპალიტეტში. შეიქმნა საერთაშორისო მნიშვნელობის, განსაკუთრებით წყლის ფრინველთა...

ქობულეთის ეროვნული პარკი - მდებარეობს აჭარაში, ქალაქ ქობულეთის ჩრდილოეთით ფიჭვნარის ეკოპლაჟიდან დაახლოებით 300 მეტრში.ქობულეთის დაცული ტერიტორიები (ქო...

კინტრიშის ეროვნული პარკი - მდებაორებს აჭარაში, ქობულეთის რაიონში, საქართველოს ულამაზეს საზღვაო კურორტზე. იგი მოქცეულია მდინარე კინტრიშის თვალწარმტაც ხ...

ტბიყელის ტბა - მდებარეობს აჭარაში, ქობულეთის მუნიციპალიტეტში, კინტრიშის ეროვნული პარკის ტერიტორიაზე, ზღვის დონიდან 2222 მეტრზე, მთა ნაბაძირის ჩრდ...

პეტრას ციხე - ისტორიული ციხე-ქალაქი აჭარაში, ქობულეთის მუნიციპალიტეტში, სოფელ ციხისძირის ტერიტორიაზე. ციხე ააშენა იოანე სტრატეგოსმა 535 წელს. „პეტრა“ ...

მარშრუტი იწყება სოფელი ახოსეილის სამხრეთით მდებარე ხეობიდან და მიემართება დასავლეთით მთა ხინოს მიმართულებით. ბილიკი მკვეთრად არის გამოკვეთილი და მიუყვ...

იხილეთ ასევე
review

დასვი კითხვა

გაქვთ კითხვა ამ ადგილის შესახებ?
დასვი კითხვა ნებისმიერ თემაზე, ჩვენ მზად ვართ, დაგეხმაროთ.

დასვი კითხვა
review

შეაფასეთ ადგილი

გაუზიარე სხვებს შენი გამოცდილება.
შეაფასე ადგილი, გაგვიზიარე შენი აზრები, დადებითი და უარყოფითი შთაბეჭდილებები.
გავუმარტივოთ მოგზაურობა ერთმანეთს.

შეაფასე
შეაფასე

დასვი კითხვა

შეაფასე ქობულეთი

საშინელი!

ცუდი!

კარგი!

ძალიან კარგი!

შესანიშნავი!