ერწოს ტბა

ერწოს ტბა შიდა ქართლის მხარეში, ჯავის მუნიციპალიტეტში, სოფელ ერწოსთან მდებარეობს, მდინარე ყვირილის აუზში, ზღვის დონიდან 1710 მეტრზე. ჯავის მუნიციპალიტეტი ამჟამად ოკუპირებულია და ცხინვალის რეგიონის ფარგლებშია მოქცეული. ტყიანი მთებითა და ყვავილოვანი მდელოებით გარშემორტყმული ლურჯი ტბა ულამაზეს სანახაობას წარმოადგენს. განსაკუთრებით შთამბეჭდავი ხედები იშლება ტბასა და მის შემოგარენზე მიმდებარე ფერდობებიდან, საიდანაც ვრცელი ხედებით დატკბობას შეძლებთ. ერწოს ტბა შეტანილია „საქართველოს წითელ წიგნში“. მისი სარკის ფართობი 0,31 კმ²-ა, საშუალო სიღრმე - 2,1 მ, მაქსიმალური სიღრმეკი - 19 მ. ტბას სამი მუდმივი შენაკადი ერთვის. წყლით არის ავსებული 4 კარსტული ძაბრი. ტბა ზამთარში თითქმის 5 თვით იყინება. ერწოს ტბასთან მიდის სამანქანო გრუნტის გზა, ამიტომაც ძალიან მოსახერხებელია საპიკნიკედ და ოჯახთან ან მეგობრებთან ერთად ბუნების სიმშვიდეში განტვირთვისთვის.