მყინვარწვერის შესახებ


საუკეთესო პერიოდი: ზაფხული, სექტემბერი

მყინვარწვერი არის მწვერვალი, რომელიც ყველა გემოვნების ადამიანს იზიდავს. აუცილებელი არაა იყოთ მთამსვლელი ან მეკლდეური რომ ამ საოცარ მწვერვალზე შედგათ ფეხი. აქ მოხვედრა ყველა ადამიანს შეუძლია, ვინც არ დაიზარებს და სწორ დროს, საჭირო აღჭურვილობით, გამოცდილ გუნდთან ერთად ეწვევა მას. 

მდებარეობა

მყინვარწვერი მდებარეობს ყაზბეგის მუნიციპალიტეტში, ხოხის ქედზე. მისი სიმაღლე ზღვის დონიდან 5047 მეტრია, თუმცა ზოგიერთი წყარო იუწყება, რომ ის 5033 მეტრს არ აღემატება. თუ გსურთ, გაიგოთ სიმართლე, აუცილებლად ეწვიეთ საკუთარი GPS მოწყობილობით და გაგვიზიარეთ თქვენი ვერსია. მყინვარწვერიდან ეშვება რამდენიმე მყინვარი: სუათისი, მნა, ორწვერი, დევდარაკი და სხვა. აქედან იღებს სათავეს მდინარე თერგი. მყინვარწვერი საქართველოში სიმაღლით მესამე მწვერვალია, ის სულ რაღაც 150 მეტრით ჩამოუვარდება უმაღლეს მწვერვალ შხარას. მყინვარწვერის კლასიკური მარშრუტი იწყება გერგეტის სამებიდან.


როდის ვესტუმროთ მყინვარწვერს?

მწვერვალი ზამთარ-ზაფხულ თოვლით არის დაფარული. მყინვარებზე შეხვდებით უკიდეგანო ნაპრალებს რომლებსაც არაერთი ადამიანის სიცოცხლე შთანთქეს. მყინვარწვერზე ასვლა შესაძლებელია ნებისმიერ სეზონზე, თუმცა ზამთარსა და გაზაფხულზე ის უკიდურესად საშიშ ზონას წარმოადგენს რადგან მის ირგვლივ მრავლადაა საზვავეები. ასევე ტემპერატურა მკვეთრად დაბალია ზამთარში და შესაბამის მომზადებასა და აღჭურვილობას მოითხოვს. მათთვის, ვინც ასეთი სირთულეებისთვის მზად არ არის სეზონი ზაფხულის მეორე ნახევარში იხსნება და სექტემბრის ბოლომდე გრძელდება. ამ პერიოდში ყველაზე დიდხანს ანათებს მზე მყინვარის ცივ ფერდობებს, რაც თავის მხრივ იწვევს თოვლის დნობას და გზა ნაკლებად სახიფათო ხდება. სექტემბრის პირველ ნახევარში თოვლის საფარი მინიმალურ დონეს აღწევს და ნაპრალებიც ხილვადი ხდება. ამ პერიოდში წვიმა და ქარიშხალიც იშვიათად სტუმრობს ხევის დედოფალს და შესაბამისად ტურისტთა ყველაზე დიდი ნაწილი სწორედ ამ დროს მიემართება მწვერვალისკენ.


მთავარი გამოწვევები

თუმცა მყინვარწვერზე ასვლა სახუმარო ნამდვილად არ არის და საქმისადმი სერიოზულ მიდგომას მოითხოვს. შეგახსენებთ, რომ მრავალმა გამოცდილმა თუ გამოუცდელმა ადამიანმა დაასრულა სიცოცხლე მის თეთრ კალთებზე. აქ ერთ-ერთი მთავარი მტერი ნაპრალია, რომელიც ყოველთვის არ ჩანს და არასოდეს იცი როდის გაგიღებს გულის კარებს და სამუდამოდ ჩაგიკრავს გულში. ნაპრალებისგან თავდასაცავად იყენებენ თოკს, რომელშიც ჩაბმულია ყველა გუნდის წევრი და გადაადგილდებიან გარკვეული მანძილის დაშორებით, რათა ნაპრალში ჩავარდნის შემთხვევაში გუნდის სხვა წევრებმა შეძლონ და მყინვარს ხელიდან გამოსტაცონ უიღბლო მეგობარი. გზად ბევრგან შეხვდებით წარწერას, რომელიც გვაფრთხილებს, რომ მყინვარწვერს არ უყვარს მარტოხელები და გვირჩევს ვიაროთ გუნდთან ერთად თოკში ჩაბმულებმა. მეორე სერიოზული საფრთხე, რომელსაც ასევე არაერთი ადამიანის სიცოცხლე მიუსაკუთრებია არის მეხი და ზოგადად უამინდობა. უამინდობის დროს ხშირად უგზავნის ზეცა მოზღვავებულ ენერგიებს ხევის დედოფალს, ამიტომ უმჯობესია ჭექა-ქუხილისა და წვიმის შემთხვევაში არ წახვიდეთ მწვერვალზე. ნუ იჩქარებთ! ხევის დედოფალი მილიონობით წელია იქ დგას და უახლოს მომავალში არსად წასვლას არ აპირებს. ასე რომ დაელოდეთ საუკეთესო შანსს, საუკეთესო ამინდს, სწორად შეარჩიეთ გუნდის წევრები და ეცადეთ თავიდან აირიდოთ ის, რისი არიდებაც შეგიძლიათ...


საჭირო აღჭურვილობა

რაც შეეხება აღჭურვილობას, მყინვარწვერზე ასასვლელად შემდეგი აღჭურვილობა გჭირდებათ: თბილი და წყალგაუმტარი ქურთუკი, შარვალი და ხელთათმანები, სპეციალური სამთო ფეხსაცმელი, ალპინისტური სათვალე, ჩაფხუტი, ალპინისტური ქამარი, წრიაპი, წერაყინი, თოკი და კარაბინი. გაითვალისწინეთ, ცუდ ამინდში ტემპერატურა ძალიან დაბალია და საჭიროა ქარგაუმტარი, სპეციალურად სამთო პირობებზე გათვლილი ტანსაცმელი. აღნიშნული აღჭურვილობის ქირაობა შეგიძლიათ ყაზბეგში, მეტეო სადგურზე ან თბილისში - მოგზაური რენტში.


ფიზიკური მზადყოფნა

ადამიანებს ხშირად უჩნდებათ კითხვა, საკმარისია თუ არა მათი ფიზიკური მომზადება მყინვარწვერზე ასასვლელად. მინდა გითხრათ, რომ ფიზიკურზე მეტად ფსიქოლოგიური მზადყოფნაა საჭირო. ამ მარშრუტზე თუ გამოცდილი მთამსვლელი არ ხართ აუცილებლად დაიღლებით, მაგრამ მთავარია როგორ მოიქცევით დაღლის შემდეგ. თუ თქვენ სირთულეების გამკლავება გიჭირთ და პირველივე დაღლაზე სახლი გახსენდებათ სავარაუდოდ მეტი ვარჯიში მოგიწევთ მწვერვალს რომ მიაღწიოთ, ხოლო თუ დაღლა არ გაშინებთ და მიზანდასახული პიროვნება ხართ მაშინ შანსი დიდი გაქვთ. თუმცა რაც არ უნდა ძლიერი იყოს  თქვენი ფსიქოლოგიური მომზადება, შესაძლოა ორგანიზმმა საშუალება არ მოგცეთ გზის გაგრძელების და სიმაღლეზე ასვლისას აღმოაჩინოთ, რომ გაქვთ სიმაღლის ავადმყოფობა და უკან დაბრუნება მოგიწიოთ. 

გახსოვდეთ! მთას არ უყვარს ეგოისტები, ნუ იფიქრებთ მხოლოდ საკუთარ თავზე და პატივი ეცით თქვენი გუნდის წევრებს, დააყენეთ პირველ ადგილზე გუნდის ინტერესები. მყინვარწვერზე ასვლა მარტივი გასეირნება არ არის. ნუ იჩქარებთ! მთები არსად წასვლას არ აპირებენ.

მდებარეობა
42.69745, 44.51929
მანძილი დედაქალაქიდან
165 კმ
ფეხით გასავლელი მანძილი
15 კმ ერთი გზა
რეკომენდებული დრო
5 დღე
იხილეთ ასევე

იხილეთ ასევე

გველეთის ჩანჩქერი ერთ-ერთი ულამაზესი ჩანჩქერია საქართველოში. მდებარეობს ყაზბეგში, სოფელ გველეთში. ჩანჩქერთან მისვლა საკმაოდ მარტივია. ყაზბეგიდან სამან...

მყინვარწვერის კლასიკური მარშრუტი 5 დღიანია, თუმცა ხშირად ამატებენ მეექვსე სარეზერვო დღეს უამინდობის შემთხვევაში. მარშრუტზე მიმაგრებულია ჩვენს მიერ 201...

არშის ჩანჩქერი მდებარეობს ყაზბეგში, სოფელ არშაში. სოფელი არშა ყაზბეგიდან 5კმ-ით არის დაშორებული. სოფლიდან ჩანჩქერისკენ მიმავალი ბილიკი კი დაახლოე...

სტეფანწმინდა ერთ-ერთი გამორჩეული ადგილია თავისი სილამაზით საქართველოში. ეს არის პატარა ქალაქი, გარშემორტყმული ბუმბერაზი მთებით. მისი გასხვავებული ლანდ...

თრუსოს ხეობა მდებარეობს მცხეთა-მთიანეთის მხარეში, ყაზბეგის მუნიციპალიტეტში. იგი წარმოადგენს მდინარე თერგის ხეობას კავკასიონის ჩრდილოეთ კალთა...

აბანო — სოფელი აღმოსავლეთ საქართველოში, მცხეთა-მთიანეთის მხარეში, ყაზბეგის მუნიციპალიტეტში, კობის თემში. მდებარეობს თრუსოს ხეობაში, მდინარე თერგის მარ...

კეტრისი — სოფელი ყაზბეგის მუნიცპალიტეტში (კობის თემი), მდებარეობს თრუსოს ხეობაში, მდინარე თერგის მარცხენა ნაპირზე. ზღვის დონიდან 2120 მეტრი. სტეფანწმი...

ზაქაგორი - ციხე-ქალაქი, ნასოფლარი ყაზბეგის მუნიცპალიტეტში (კობის თემი), მდებარეობს თრუსოს ხეობაში, მდინარე თერგის მარცხენა ნაპირზე. ზღვის დონიდან 2240...

ხორისარი — ვულკანური მთა საქართველოში, მცხეთა-მთიანეთის მხარეში, ყაზბეგის მუნიციპალიტეტში. მდებარეობს ხევის კავკასიონის მთავარ ქედზე, მდინარე მთიულეთი...

მწვერვალი დედაენა მდებარეობს მცხეთა - მთიანეთში, ზღვის დონიდან 3493 მეტრზე. მწვერვალზე ასასვლელად აუცილებელი არ არის სპეციალური აღჭურვილობა. ყველაზე მ...

მწვერვალი შერხოტა მდებარეობს მცხეთა-მთიანეთში, ზღვის დონიდან 3701 მეტრზე. მწვერვალი შერხოტა კარგად ჩანს გუდაურიდან. აქ მოხვედრა სხვადასხვა მხრიადნ შეი...

სად მდებარეობს საათხილამურო კურორტი გუდაური?სათხილამურო კურორტი გუდაური ყაზბეგის მუნიციპალიტეტში, ზღვის დონიდან 2200 მეტრზე მდებარეობს. გუდაური თბილის...

აბუდელაურის თეთრი ტბა მდებარეოს ხევსურეთში მდინარე აბუდელაურის ხეობის სათავეში ზღვის დონიდან 2840 მეტრზე. ...

აბუდელაურის ლურჯი ტბა მდებარეოს ხევსურეთში მდინარე აბუდელაურის ხეობის სათავეში ზღვის დონიდან 2580 მეტრზე. ...

აბუდელაურის მწვანე ტბა მდებარეოს ხევსურეთში მდინარე აბუდელაურის ხეობის სათავეში ზღვის დონიდან 2600 მეტრზე. ...

მწვერვალი მახისმაღალი მდებარეობს არხოტში, საქართველო - რუსეთის საზღვარზე, ზღვის დონიდან 4013 მეტრზე. მწვერვალზე აღჭურვილობის გარეშე ასვლა ძალიან სახიფ...

საბანაკე ბორბალოს მდებარეობის უკანაფშავისა და მიღმახევის გამყოფ ქედზე ბორბალოს უღელტეხილის მისადგომთან ზღვის დონიდან 2750 მეტრზე.  საბანაკესთან არის პ...

სულ რაღაც 40 კილომეტრში თბილისიდან შეგიძლიათ აღმოაჩინოთ ვულკანური წარმოშობის ბაზალეთის ტბა. ეს ადგილი ცნობილია არა მხოლოდ ტბის სილამაზით, ან ბუნებით, ...

მცხეთა მდებარეობს მცხეთა-მთიანეთის რეგიონში, თბილისიდან სულ რაღაც 10 კილომეტრის მოშორებით.ისტორიამცხეთა იყო ქართლის სამეფოს ძველი დედაქალაქი, პოლიტიკუ...

review

დასვი კითხვა

გაქვთ კითხვა ამ ადგილის შესახებ?
დასვი კითხვა ნებისმიერ თემაზე, ჩვენ მზად ვართ, დაგეხმაროთ.

დასვი კითხვა
review

შეაფასეთ ადგილი

გაუზიარე სხვებს შენი გამოცდილება.
შეაფასე ადგილი, გაგვიზიარე შენი აზრები, დადებითი და უარყოფითი შთაბეჭდილებები.
გავუმარტივოთ მოგზაურობა ერთმანეთს.

შეაფასე

დასვი კითხვა

შეაფასეთ ადგილი

საშინელი!

ცუდი!

კარგი!

ძალიან კარგი!

შესანიშნავი!