მყინვარწვერი - კლასიკური

ალპინიზმი

მცხეთა-მთიანეთი, სტეფანწმინდა (ყაზბეგი) (იხილეთ რუკაზე)

მყინვარწვერი - კლასიკურის შესახებ

საუკეთესო პერიოდი: აგვისტო, სექტემბერი

მყინვარწვერის კლასიკური მარშრუტი 5 დღიანია, თუმცა ხშირად ამატებენ მეექვსე სარეზერვო დღეს უამინდობის შემთხვევაში. მარშრუტზე მიმაგრებულია ჩვენს მიერ 2018 წელს ჩაწერილი GPS ტრეკი. გაითვალისწინეთ, რომ მყინვარი ყოველწელს იცვლის ფორმასა და ზომას, შესაბამისად ბილიკი შეიძლება ყოველწელს შეიცვალოს და იქ სადაც ადრე დადიოდა ხალხი ახლა შეუძლებელი აღმოჩნდეს გავლა. გახსოვდეთ! მყინვარწვერს არ უყვარს მარტოხელები, აუცილებლად ჩაებით თოკში რომ ნაპრალში არ დაასრულოთ სიცოცხლე.

ეს მარშრუტი არ არის სალაშქრო, შესაბამისად აუცილებელია გამოცდილი სამთო გამყოლი, რომელიც იზრუნებს თქვენს უსაფრთხო გადაადგილებაზე.

დამატებითი ინფორმაციისთვის იხილეთ გვერდი მყინვარწვერი.

გეგმა:

დღე 1

მყინვაწვერის მარშრუტი იწყება ყაზბეგის მუნიციპალიტეტში, გერგეტის სამებასთან და მიემართება დასავლეთით. პირველ დღეს გზა არც ისე გრძელია. გერგეტის სამებიდან 6 კილომეტრში შეხვდებით საბანაკე საბერწეს სადაც პირველი ღამისთევა მოგიწევთ. საბანაკე მდებარეობს ზღვის დონიდან 3000 მეტრზე. პირველ დღეს მოგიწევთ 950 მეტრის აწევა 6 კილომეტრში.

sabanake Sabertse camping Саберце кемпинг

საბანაკე საბერწე

საბანაკე ადგილი ბუნებაში

Mount Kazbek, Gergeti Church Степанцминда Казбеги Церковь Гергети გერგეტის სამება

გერგეტის სამების ეკლესია

1 შეფასება

ეკლესია / მონასტერი

დღე 2:

მეორე დღე კიდევ უფრო მარტივია, ბილიკი საბერწედან ბეთლემის ქოხისკენ მიემართება და სულ რაღაც 3.5 კილომეტრის სიგრძისაა. თუმცა ბოლო 1.5 კილომეტრი ყინულზე მოგიწევთ სიარული და შესაძლოა წრიაპის გამოყენებაც დაგჭირდეთ. ბეთლემის ქოხამდე მისვლა პირველ დღესაც შეგიძლიათ, თუმცა რაც უფრო ნელა ახვალთ სიმაღლეზე მით უფრო გაგიადვილდებათ აკლიმატიზაცია, ამიტომ გირჩევთ არ იჩქაროთ. ბეთლემის ქოხი, იგივე მეტეო ზღვის დონიდან 3650 მეტრზე მდებარეობს და შესაბამისად მეორე დღეს 650 მეტრის აწევა მოგიწევთ.

ბეთლემის ქოხი (მეტეო)

საბანაკე ადგილი ბუნებაში

დღე 3: აკლიმატიზაცია

მესამე დღე აკლიმატიზაციის დღეა. აკლიმატიზაციისთვის ხშირად აქვე მდებარე ბეთლემის ეკლესიაზე ადიან, რომელიც ზღვის დონიდან 3900 მეტრზე მდებარეობს. ეკლესიიდან ბილიკი მარჯვნივ გრძელდება და 4000 მეტრამდე ადის. აკლიმატიზაციის შემდეგ სთხოვეთ გიდს, გასწავლოთ წერაყინისა და წრიაპის გამოყენება, თოკით მოძრაობა და თუ როგორ უნდა მოიქცეთ ყინულზე მოწყვეტის შემთხვევაში. საღამოს აუცილებლად მოიმარაგეთ წყალი, რადგან ღამით წყალი იყინება და გასვლის წინ მარაგის შევსებას ვერ შეძლებთ.

betlemi church eklesia Betlemi hut & Orthodox church Бетлемская церковь

ბეთლემის ეკლესია

ეკლესია / მონასტერი

დღე 4: მწვერვალი

მეოთხე დღე მწვერვალის დღეა. უმეტესად ჯგუფები გამთენიისას, დილის 2 საათზე გადიან ბეთლემის ქოხიდან. პირველი დაბრკოლება ხმაურაა - კლდე საიდანაც მუდმივად ცვივა ქვები. თუმცა ეს ადგილი დილით ნაკლებ საფრთხეს წარმოადგენს, რადგან ქვათაცვენას მაღალი ტემპერატურა და ყინულის დნობა იწვევს. ხმაურას შემდეგ მოგიწევთ თოკში ჩაბმა და წრიაპის მორგება. ბილიკი აქედან მყინვარზე გადის სადაც ახალი დაბრკოლება - ნაპრალები ჩნდება. თუმცა თუ წესებს დაიცავთ ამ დაბრკოლებასაც უსაფრთხოდ გადალახავთ. ამის შემდეგ ბილიკი ადის პლატოზე, სადაც ახალი დაბრკოლება - ქარი და სიცივე ებრძვის მყინვარწვერის სტუმრებს. თუმცა თუ გაგიმართლათ და კარგი ამინდი დაგხვდათ შეიძლება დაგცხეთ კიდეც. პლატოდან ბილიკი იწყებს მყინვარწვერის უკანა მხრიდან შემოვლას, კრეფს სიმაღლეს საკმაოდ სწრაფად და ადის პირდაპირ უნაგირზე, სადაც შეგიძლიათ ბოლო შესვენება მოაწყოთ. უნაგირის შემდეგ ახალი საფრთხე - ყინულზე მოწყვეტაა, ამიტომ უნდა იყოთ ყურადღებით და იაროთ მუდმივი მზადყოფნით. უნაგირიდან დაახლოებით 30 წუთში მწვერვალზე ხართ და შეგიძლიათ მიულოცოთ გუნდის წევრებს მშვიდობიანი ამოსვლა, თუმცა მთავარი დაშვებაა. ნუ მოდუნდებით, უფრო მეტი ყურადღებით იარეთ უკანა გზაზე და თუ აქაც არ დაუშვებთ შეცდომებს მაშინ საღამოს 4 საათზე უკვე ბეთლემის ქოხში იქნებით.
საშუალოდ მყინვარწვერზე ასვლას გუნდები 8 საათს, ჩამოსვლას კი 6 საათს ანდომებენ. ამ დღეს ჯამში 13 კილომეტრის გავლა მოგიწევთ, სიმაღლეში კი 1350 მეტრის აწევა.

მყინვარწვერი

მწვერვალი

დღე 5:

მეხუთე დღე უკან დაშვების დღეა. თუმცა ზოგჯერ სარეზერვო დღედაც იყენებენ და ცუდი ამინდის შემთხვევაში მწვერვალზე ასვლა სწორებ მეხუთე დღეს ხდება. ხოლო თუ ამინდში გაგიმართლათ მაშინ ამ დღეს ყაზბეგის გზას დაადგებით და დაახლოებით 4 საათში უკვე გერგეტის სამებასთან იქნებით.

ტრანსპორტი:

ყაზბეგში მოხვედრა შესაძლებელია ნებისმიერი ტიპის ავტომობილით. ასევე მრავლად არის სამარშრუტო ტაქსები, რომლებიც გადიან დიდუბის ავტოსადგურიდან.

თეგები: #მწვერვალი #მყინვარი #ალპინიზმი #სათავგადასავლო ტურები

ახლოს მდებარე შეთავაზებები

ყველას ნახვა

ველოტური

ველოტური თრუსოს ხეობაში

სათავგადასავლო ტურები

ტური მყინვარწვერზე

სათავგადასავლო ტურები · პარაგლაიდინგი

პარაპლანით ფრენა გუდაურში

ცხენტური

ცხენტური ყაზბეგში

42.665412 , 44.61455

ხანგრძლივობა: 5 დღე

ჯამური მანძილი: 30 კმ

სირთულე: რთული

მანძილი

158კმ თბილისიდან
6კმ სტეფანწმინდა (ყაზბეგი)დან
182კმ თბილისის საერთაშორისო აეროპორტიდან
360კმ ქუთაისის საერთაშორისო აეროპორტიდან
129კმ ნატახტრის აეროდრომიდან

საჭირო აღჭურვილობა

წრიაპი
ალპინისტური ქამარი
ჩაფხუტი
წერაყინი
კარაბინი
სამთო ფეხსაცმელი
ალპინისტური სათვალე
ხელთათმანები

დაიქირავე გიდი

ჩვენი გიდები მზად არიან დაგეხმარონ ამ ადგილის მონახულებაში

+13

რუკა

ტურები მცხეთა-მთიანეთში

ყველას ნახვა

ველოტური თრუსოს ხეობაში

1 შეფასება

ველოტური

ტური მყინვარწვერზე

სათავგადასავლო ტურები

პარაპლანით ფრენა გუდაურში

3 შეფასება

სათავგადასავლო ტურები · პარაგლაიდინგი

ცხენტური ყაზბეგში

ცხენტური

კითხვები

კითხვის დასამატებლად გთხოვთ, გაიაროთ ავტორიზაცია

დასვი კითხვა

გამარჯობა, რა ჯდება ტური ერთ ადამიანზე?

გამარჯობა, ფასები ყოველ წელს იცვლება. 2025 წლის სეზონის ფასები ამ ეტაპზე არ არის ცნობილი.

გამარჯობა, რა ღირს ტური ერთ ადამიანზე?

გამარჯობა,

3 ადამიანს (2 კაცი და 1 ქალი) გვინდა მინვარწვერზე ასვლა.
გასვლის დღე ყაზბეგიდან 12 ივლისი (სამშაბათი).
მაინტერესებს მარტო გიდის ფასი (ტრანსპორტირება და ღამისთევა ყაზბეგში იქნება ჩემი მხრიდან).

ეკიპირების ქირაობაც დაგვჭირდება, მაგრამ ეს მოგვიანებით შეგვიძლია მოვილაპარაკოთ.

გამარჯობა. და რა ჯდება ერთ ადამიანზე თავისი აღჭურვილობის ქირაობით?

სალამი, ამ ეტაპზე მიმდინარეობ ფასების კორექტირება. ფასები გვეცოდინება რამოდენიმე დღეში.

მადლობა. კარგით თუ შეიძლება მითითებულ იმეილზე ან ტელეფონის ნომერზე დამიკავშირდეთ როცა გეცოდინებათ ფასები.

მაინტერესებს ეს ყველაფერი რა დაჯდება, რაც მაღლა წერია

Доброго дня! Подскажите, пожалуйста, планируются ли походы после 14 сентября? В какую стоимость восхождение и что в эту стоимость входит?

интересует классическое восхождение на Казбег

Елена
Вскоре у вас будет возможность увидеть список гидов на нашем сайте с указанием квалификации. Вы можете связаться с любым из них и попросить предоставить бюджет и условия для вашего маршрута.