სვერის სათავგადასავლო ბანაკი

სვერის სათავგადასავლო ბანაკი გახლავთ პიონერული პროექტი საქართველოში, რომელიც ერთი ლოკაციის ირგვლივ აერთიანებს სხვადასხვა ექსტრემალურ სათავგადასავლო აქტოვობებს, კერძოდ ბანაკში ხელმისაწვდომია შემდეგი აქტივობები: კლდეზე ცოცვა, ველოტური, მღვიმის ტური, ლაშქრობა, კანიონინგი, რაფტინგი, ზიპლიანი.

სვერის სათავგადასავლო ბანაკი, რომელიც იმერეთში, ზღაპრულ ბუნებაში მდებარეობს, შეგიძლიათ მოიწყოთ ცხოვრების ერთ-ერთი ყველაზე შთამბეჭდავი დასვენება და განიცადოთ ნამდვილი თავგადასავლები მეგობრებთან და ოჯახის წევრებთან ერთად.

ჩვენს კეთილმოწყობილ ბანაკში გელით ხის კოტეჯები, საქემფინგე ზონა საკარვე ადგილებით, მოსასვენებელი და საბავშვო სივრცეები, საპიკნიკე, საკოცონე, სამზარეულო, სასადილო და საშხაპე ზონა, სპორტული ინვენტარის გაქირავების პუნქტი. რაც ყველაზე საინტერესოა ჩვენი პროფესიონალი გიდები გაგიწევენ მეგზურობას იმერეთში ბანაკის ირგვლივ მდებარე სათავგადასავლო ადგილებში, სადაც შეგიძლიათ მოინახულოთ მღვიმეები, წახვიდეთ ველო ტურში, გაისეირნოთ ნავით ტბაზე, დაკავდეთ კლდეზე ცოცვით, კანიონინგით, წახვიდეთ ლაშქრობაზე, დატკბეთ ულამაზესი ხედებით, გადაიღოთ დაუვიწყარი ფოტოები და დაიმუხტოთ ემოციებით.