წმინდა ნინოს სახელობის ეკლესია ტანას ხეობაში

ატენის წმინდა ნინოს სახელობის ეკლესია შიდა ქართლის მხარეში, გორის მუნიციპალიტეტში, სოფელ დიდ ატენში მდებარეობს, ატენის სიონის ჩრდილო-დასავლეთით, სულ 150 მეტრის დაშორებით, თრიალეთიდან შიდა ქართლში მიმავალი გზის პირას. ორი, ერთმანეთზე მიდგმული, მომცრო ეკლესია ქვიშაქვის კვადრებითაა ნაგები. სამხრეთით მდებარე საყდარი V-VI საუკუნეების მიჯნით თარიღდება, ჩრდილოეთისა კი - გვიანი შუასაუკუნეებით. სამხრეთის ეკლესიის სიძველეზე მეტყველებს მის ქვეშ მოწყობილი კრიპტა და სამხრეთ კედელში გაკეთებული მოზრდილი ღიობი.

როგორ მივიდეთ

სოფელი დიდი ატენი შიდა ქართლის მხარეში, გორის მუნიციპალიტეტში მდბარეობს, გორიდან 11 კმ-ის დაშორებით. სოფელ ატენში მიდის სამანქანო გზა. ასფალტი დაზიანებულია, სედანით მისვლა შესაძლებელია.