გოდერძის ნამარხი ტყე

გოდერძის ნამარხი ტყე

მთაუღელტეხილი

გოდერძის ნამარხი ტყის შესახებ

საუკეთესო პერიოდი: ყველა სეზონი

გოდერძის ნამარხი ტყე სამცხისა და აჭარის საზღვარზე მდებარეობს, ადიგენისა და ხულოს მუნიციპალიტეტების ტერიტორიებზე, გოდერძის უღელტეხილის აღმოსავლეთ კალთაზე. მესამეულ პერიოდში მძლავრმა ვულკანურმა ამოფრქვევებმა ფერფლში ჩამარხა ტროპიკული ტყე და სწორედ ამ ტყის ფლორაა შემორჩენილი გაქვავებული სახით. გოდერძის განამარხებულ ტყეს ბუნების ძეგლის სტატუსი აქვს. მისი საერთო ფართობი ჯამში 365 ჰექტარს შეადგენს და განლაგებულია ზღვის დონიდან 1600-2100 მეტრზე. გოდერძის წყების ტერიტორიის რელიეფი საკმაოდ რთული, მთაგორიანი და დანაწევრებულია. გზის გასწვრივ, კლდეებზე, ბუნებრივი გაშიშვლების ვულკანურ ბრექჩიებში, კარგად მოჩანს განამარხებული ფლორის და გაქვავებული ხის სხვადასხვა ზომის, ფორმისა და ორიენტირების ბუნებრივი ანაბეჭდები. ალაგ-ალაგ შესანიშნავად არის შემონახული სითბოს მოყვარული ფოთლოვანი მცენარეების, განსაკუთრებით დაფნისნაირების ფითლების ანაბეჭდები, აქ ნაპოვნია პალმები, მაგნოლიები, დაფნები და ა.შ. როგორც ჩანს, მილიონობით წლის წინ ამ ტერიტორიაზე ტროპიკული ჰავა ყოფილა და შესაფერისი მცენარეები ხარობდნენ. გაქვავებული ხეები მთლიანად ჩანაცვლებულია ოპალით და ქალცედონით, ნაპრალები და სიცარიელეები კი ქალცედონითა და კვარცითაა ამოვსებული. ხის გაქვავება მიმდინარეობდა მისი ორგანული მასალის თითქმის მთლიანი ჩანაცვლებით ისე, რომ სრულიად არ დარღვეულა მცენარის პირვანდელი სტრუქტურა. გოდერძის ნამარხი ტყე უმნიშვნელოვანეს ბუნების ძეგლს წარმოადგენს და იგი საინტერესოა, როგორც სამეცნიერო, ასევე ტურისტული თვალსაზრისით.

თეგები: #მთა #ბუნება #უღელტეხილი

რუკა

კითხვები

კითხვის დასამატებლად გთხოვთ, გაიაროთ ავტორიზაცია

დასვი კითხვა
review

შეაფასეთ ადგილი

გაუზიარე სხვებს შენი გამოცდილება.
შეაფასე ადგილი, გაგვიზიარე შენი აზრები, დადებითი და უარყოფითი შთაბეჭდილებები.
გავუმარტივოთ მოგზაურობა ერთმანეთს.

შეაფასე
შეაფასე

დასვი კითხვა

შეაფასე გოდერძის ნამარხი ტყე

საშინელი!

ცუდი!

კარგი!

ძალიან კარგი!

შესანიშნავი!