ლიკანის შესახებ

საუკეთესო პერიოდი: ყველა სეზონი

კურორტი ლიკანი სამცხე-ჯავახეთის მხარეში მდებარეობს, ბორჯომში, ქალაქის უკიდურეს დასავლეთ ნაწილში. კურორტის ძირითადი სამკურნალო საშუალება მინერალური წყალია, რომელსაც იყენებენ როგორც სასმელად, ასევე ბალნეოლოგიური სამკურნალო პროცედურებისთვისაც. ლიკანის მინერალურ წყალს ჰიდროკარბონატების, მაგნიუმისა და კალციუმის შემადგენლობის განსაკუთრებული კომბინაცია და ბუნებრივი ნახშირორჟანგა გაზის სიუხვე ახასიათებს, რაც 1500 მეტრის სიღრმიდან ამომავალ წყალს სასიამოვნო სირბილეს ანიჭებს. ლიკანში, მტკვრის პირას ულამაზესი ტყეპარკია გაშენებული, სადაც ასწლოვანი მუხები ხარობს. პარკის ცენტრში კი ბორჯომის ერთ-ერთი ღირსშესანიშნაობა, რომანოვების სასახლე დგას, რომელიც რუსეთის დიდმა მთავარმა ნიკოლოზ მიხეილის ძე რომანოვმა არქიტექტორ ლეონტი ბენუას ააშენებინა ძმისთვის, რუსეთის იმპერატორ ალექსანდრე II-თვის 1892-95 წლებში. სასახლის ირგვლივ დეკორატიული სკვერია მოწყობილი. ლიკანში ასევე VII-IX საუკუნეების ღვთისმშობლის სახელობის ეკლესიის ნანგრევების მონახულებასაც შეძლებთ, სადაც ოდესღაც აქტიური სამონასტრო ცხოვრებაც ყოფილა და საინტერესო კულტურულ ძეგლს წარმოადგენს. ეს კურორტი ნამდვილად შესანიშნავი ადგილია ბუნებაში, ტყეების სიგრილეში კომფორტული და გამაჯანსაღებელი დასვენებისთვის და მიწისა და ხეების სურნელით გაჟღენთილ ბილიკებზე ხეტიალისთვის.
ლიკანში სუბტროპიკული ჰავაა, ზომიერად რბილი, თოვლიანი ზამთრით და ზალიან თბილი ზაფხულით. იანვრის საშუალო ტემპერატურა -2,0°C, აგვისტოსი კი - 20-25°C.

თეგები: #სოფელი #დასახლებული პუნქტი

რუკა

კითხვები

კითხვის დასამატებლად გთხოვთ, გაიაროთ ავტორიზაცია

დასვი კითხვა
review

შეაფასეთ ადგილი

გაუზიარე სხვებს შენი გამოცდილება.
შეაფასე ადგილი, გაგვიზიარე შენი აზრები, დადებითი და უარყოფითი შთაბეჭდილებები.
გავუმარტივოთ მოგზაურობა ერთმანეთს.

შეაფასე
შეაფასე

დასვი კითხვა

შეაფასე ლიკანი

საშინელი!

ცუდი!

კარგი!

ძალიან კარგი!

შესანიშნავი!