ლომისის წმინდა გიორგის ეკლესია კავთისხევში

ლომისის სამების ეკლესია შიდა ქართლის მხარეში, კასპის მუნიციპალიტეტის სოფელ კავთისხევში მდებარეობს. იგი ადრეულ შუასაუკუნეებს მიეკუთვნება. რიყისა და ნატეხი ქვით ნაგები დარბაზული ნაგებობა ადრეული შუასაუკუნეებით თარიღდება. დარმაზის კამარული გადახურვის საბჯენი თაღები ერთსაფეხურიან პილასტრებს ეყრდნობა. პილასტრებს პროფილირებული კაპიტელები აქვს. სამხრეთის ფასადი ნახევარწრიული თაღითაა გახსნილი. თაღი მასიურ, წრიულ ბურჯს ეყრდნობა. ბურჯს მარტივი ფორმის კაპიტელი აქვს. აფსიდის ცენტრალურ ღერძზე ერთი თაღოვანი სარკმელია, ჩრდილოეთ ნაწილში კი - სწორკუთხა ნიში. ერთი ვიწრო სარკმელი სამხრეთ კედელშია, ერთიც - დასავლეთ კედელში. ტაძარს სამხრეთით მინაშენი ჰქონია, რომლის კამარა და კონქი ამჟამად ჩამონგრეულია. მინაშენის ნახევარწრიულ აფსიდში ერთი სარკმელია. ეკლესიას ერთი შესასვლელი აქვს სამხრეთის მხრიდან. ლომისის წმინდა სამების ეკლესიის დასავლეთით, მასთან ძალიან ახლოს (თითქმის ერთმანეთზე არიან მიდგმული), დგას კავთისხევის წმინდა გიორგის ეკლესია.