მახუნცეთის თაღოვანი ხიდის შესახებ

საუკეთესო პერიოდი: ყველა სეზონი

მახუნცეთის ხიდი — ქვისთაღოვანი, კამაროვანი ხიდი მდინარე აჭარისწყალზე, სოფელ მახუნცეთის ტერიტორიაზე, მაღალმთიან აჭარაში.

ბათუმი - ხულოს ცენტრალური გზიდან 54 მეტრის მოშორებით მახუნცეთის ხიდია განთავსებული. ხიდი დიდი ზომისაა და ბუნებრივი კლდის ბურჯებს ეყრდნობა. მის ასაშენებლად ვულკანური წარმოშობის კლდის ქვაა გამოყენებული, კირის დუღაბზე. ხიდს 2008 წელს სრულყოფილი სარეკონსტრუქციო სამუშაოები ჩაუტარდა.

ხიდს 2006 წლის, საქართველოს პრეზიდენტის ბრძანებულების თანახმად მიენიჭა ეროვნული მნიშვნელობის კულტურის უძრავი ძეგლის კატეგორია.


ხიდის აღწერა

ხიდის ასაგებად გამოყენებულია თლილი ქვა. ხიდის სიგრძე 24 მ. მარცხენა მისასვლელის სიგრძეა 1,75 მ, ხოლო მარჯვენასი 2 მ. შესაბამისად მისასვლელების სიგანეებია 3,24 მ და 3,70 მ. ხიდის სიგანე ცვალებადია. იგი მერყეობს 2 მ-დან 2,5 მ-მდე. ხიდი ყველაზე ვიწროა შუაწელში — 2 მ. მალი 20-25 მ. სიმაღლე თაღისა წყლის დონიდან 6 მეტრია. თაღის სიგანე თავბანდში 0,70 მ, ხოლო ქუსლში — 1,60 მ. ბურჯებად გამოყენებულია ბუნებრივი კლდე, რომელთა სიმაღლე სხვადასხვაა. კლდე ალაგალაგ ამოშენებულია ქვებით.

ფოსოები მუხანცეთის ხიდს არ აქვს. მალის სიდიდის გამო ხარაჩოების აგება აქ აუცილებელი იქნებოდა. ეს გარემოება გვაფიქრებინებს რომ, ხიდის მშენებლობის დროს მდინარეში ჩასობილი უნდა ყოფილიყო დროებითი ხიმინჯები, რომელზედაც ეწობოდა ხარაჩოები.

მახუნცეთის ხიდს არ ეტყობა ის დახვეწილი ტექნიკა და სამუშაოს სიფაქიზე, რაც კარგად შეინიშნება დანდალოს ხიდზე. მახუნცეთის ხიდს არ ჰქონია არც ლავგარდანი და არც მოაჯირი.

თეგები: #ისტორია #კულტურა #არქიტექტურა #ისტორიული ძეგლი #ხიდი #ინფრასტრუქტურა
41.571088 , 41.86015

ჩვენი გიდები მზად არიან დაგეხმარონ ამ ადგილის მონახულებაში

13891881_1062705333765157_135766 cop IMG_0005
+6

რუკა

კითხვები

კითხვის დასამატებლად გთხოვთ, გაიაროთ ავტორიზაცია

დასვი კითხვა
review

შეაფასეთ ადგილი

გაუზიარე სხვებს შენი გამოცდილება.
შეაფასე ადგილი, გაგვიზიარე შენი აზრები, დადებითი და უარყოფითი შთაბეჭდილებები.
გავუმარტივოთ მოგზაურობა ერთმანეთს.

შეაფასე
შეაფასე

დასვი კითხვა

შეაფასე მახუნცეთის თაღოვანი ხიდი

საშინელი!

ცუდი!

კარგი!

ძალიან კარგი!

შესანიშნავი!