მესტიის აეროპორტი

მესტიის აეროპორტი

აეროპორტი

მესტიის აეროპორტის შესახებ

საუკეთესო პერიოდი: ყველა სეზონი

მესტიის აეროპორტი, ასევე მესტიის თამარ მეფის სახელობის აეროპორტი - აეროდრომი "მესტია" ადგილობრივი მნიშვნელობის აეროპორტი საქართველოში, მესტიის მუნიციპალიტეტში, სვანეთის მხარეში, ზღვის დონიდან 1400 მ სიმაღლეზე.

აეროპორტს აქვს ასაფრენ-დასაფრენი ზოლი, რომლის ზომებია 850 მ X 30 მ. აეროპორტის მშენებლობა დასრულდა 2010 წლის 24 დეკემბერს. ზამთრის პერიოდში აეროპორტი იღებს ერთმოტორიან თვითმფრინავებსა და მცირე 18 ადამიანის ტევადობის სამგზავრო თვითმფრინავებს. ზაფხულის პერიოდში აეროპორტს შეუძლია 50 ადამიანის ტევადობის თვითმფრინავის მიღება.

მესტიის აეროპორტის მშენებლობა სახელმწიფოს დაახლოებით 8 მლნ. ლარი დაუჯდა. მესტიის აეროპორტი მსოფლიოს 10 ყველაზე უჩვეულო აეროპორტთა სიაში მოხვდა. ვებ-გვერდ Novate-ის არქიტექტორებმა მსოფლიოს უჩვეულო აეროპორტების სიაში მესტიის აეროპორტი შეიყვანეს და „პატარა ქართული სასწაული“ უწოდეს.


ავიარეისები

მესტიის მიმართულებით და პირიქით რეგულარული ავიარეისები სრულდება ნატახტარისა და ქუთაისის საერთაშორისო აეროპორტებიდან.

ნატახტარის აეროპორტიდან მესტიის მიმართულებით სრულდება რეისები და მგზავრობის ღირებულება შეადგენს ერთი გზა: ზრდასრული 90 ლარი; ბავშვები (3-12) 63 ლარი; ჩვილები (0-3) უფასოდ.

ქუთაისის საერთაშორისო აეროპორტიდან მესტიის მიმართულებით სრულდება რეისები და მგზავრობის ღირებულება შეადგენს ერთი გზა: ზრდასრული 50 ლარი; ბავშვები (3-12) 35 ლარი; ჩვილები (0-3) უფასოდ.

მესტიის მიმართულებით ფრენები სრულდება ვიზუალური ფრენის წესებით და დამოკიდებულია ფაქტობრივ ამინდზე. თითოეულ მგზავრზე დაშვებული ბარგის წონა, ხელბარგის ჩათვლით, არ უნდა აღემატებოდეს 15 კგ-ს.

ავიაკომპანია უზრუნველყოფს ნატახტრის აეროპორტიდან/ში გამფრენ/ჩამომფრენ მგზავრთა ტრანსპორტირებას თბილისიდან - რესპუბლიკის მოედნიდან (ლ. ქიაჩელის ქუჩის და პირველი რესპუბლიკის მოედნის კუთხე, ველოსიპედის მონუმენტის მოპირდაპირე მხარეს) ნატახტარის აეროპორტში და უკან.

ტრანსპორტი თბილისიდან გადის უშუალო რეისზე რეგისტრაციის დაწყებამდე 45 წუთით ადრე.

რუკა

კითხვები

Please login to ask a question

დასვი კითხვა
review

შეაფასეთ ადგილი

გაუზიარე სხვებს შენი გამოცდილება.
შეაფასე ადგილი, გაგვიზიარე შენი აზრები, დადებითი და უარყოფითი შთაბეჭდილებები.
გავუმარტივოთ მოგზაურობა ერთმანეთს.

შეაფასე
შეაფასე

დასვი კითხვა

შეაფასე მესტიის აეროპორტი

საშინელი!

ცუდი!

კარგი!

ძალიან კარგი!

შესანიშნავი!