ტაბაწყური

ტაბაწყურის შესახებ

საუკეთესო პერიოდი: ზაფხული, შემოდგომა, მაისი

სოფელი ტაბაწყური სამცხე-ჯავახეთის მხარეში, ბორჯომის მუნიციპალიტეტში მდებარეობს, ზღვის დონიდან 2000 მეტრზე, ტაბაწყურის ტბის ნაპირზე. მისი ნაწილი ნახევარკუნძულზეა გაშენებული. აქაური მოსახლეობა ძირითადად რძის პროდუქტების წარმოებას, მეთევზეობასა და მესაქონლეობას მისდევს. ტბაში შეჭრილ ნახევარკუნძულზე განლაგებული სოფელი ტაბაწყური (ზღვის დონიდან 2000მ), ლურჯი ტბა, გაშლილი სივრცეები და მთები ულამაზეს სანახაობას ქმნის. გარდა საოცარი ხედებისა, სოფელში შეგიძლიათ ნახოთ ქართული ხუროთმოძღვრების ერთ-ერთი მნიშვნელოვანი ნიმუში, X საუკუნის ტაბაწყურის წითელი ეკლესია და XIX საუკუნის სომხური ეკლესია, თეთრი საყდარი. მრავალფეროვანი, შთამბეჭდავი ლანდშაფტის მქონე და კულტურული ძეგლებით მდიდარ სამცხე-ჯავახეთში ტაბაწყური ერთ-ერთი შესანიშნავი ადგილია ბუნებით ტკბობისა და დასვენებისთვის. იგი ფოტოგრაფთა ობიექტივშიც ხშირად ხვდება ბუნების სილამაზისა და სოფლის საინტერესო განლაგების გამო.

როგორ მივიდეთ

ტაბაწყური ბორჯომიდან 60 კმ-ით არის დაშორებული. აქ მოხვედრა 2 მხრიდანაა შესაძლებელი, ახალქალაქიდან და ბაკურიანიდან. ბაკურიანს გასცდებით თუ არა გრუნტის გზა იწყება, რომელელზეც გადაადგილება სედანით არის შესაძლებელი, თუმცა საჭიროა სიფრთხილე. ზამთრის და ადრეული გაზაფხულის პერიოდში ბაკრუანის მხრიდან ტაბაწყურში მანქანით მისვლა შეუძლებელია, გზა იკეტება. ახალქალაქის მხრიდანაც გზის ბოლო მონაკვეთი გრუნტიანია და აქაც სედანით შეიძლება გადაადგილება. ზამთარში ხმოლოდ ახალქალაქის მხრიდან არის შესაძლებელი ტაბაწყურში მოხვედრა.

მდებარეობა: 41.663476, 43.621584
მანძილი დედაქალაქიდან: 212 კმ

დაიქირავე გიდი

ჩვენი გიდები მზად არიან დაგეხმარონ ამ ადგილის მონახულებაში