წმინდა მაქსიმეს სახელობის ეკლესია ცაგერში, St. Maxime Church

წმინდა მაქსიმე აღმსარებლის სახელობის ეკლესია ცაგერში

წმინდა მაქსიმე აღმსარებლის სახელობის ეკლესია ცაგერშის შესახებ


საუკეთესო პერიოდი: ყველა სეზონი

წმინდა მაქსიმეს სახელობის ეკლესია - მაქსიმე აღმსარებლის საფლავზე აგებული ეკლესია, სვანეთ - ლეჩხუმის საზღვარზე, ცაგერის მუნიციპალიტეტში, ცხენისწყლის ვიწრო გასასვლელში, კლდოვანი ქედის თხემზე. ეს ტაძარი ამ მხარეში დაფუძნებული ეპარქიის საკათედრო ტაძრად ითვლებოდა. წმინდა მაქსიმე აღმსარებლის საფლავი და წმინდა ნაწილები აღმოჩენილია მამატა მონასტერში. ნაპოვნია სხვა ნაწილებიც, რომლებიც წმინდანის მოწაფეებს ეკუთვნოდათ.

მცირე ბაზილიკური ტიპის ტაძარი წლების განმავლობაში დანგრეული იყო. 80-იან წლებში ადგილობრივმა მოსახლეობამ ის საკუთარი ძალებით აღადგინა. მეუფე სტეფანეს ლოცვა-კურთხევით, ტაძრის გარშემო ბერებისთვის საცხოვრებელი სენაკები აშენდა. სამონასტრო ცხოვრება აქ 2005 წლიდან დაიწყო. მონასტრის წინამძღვარი მეუფე სტეფანე გახლავთ.


ისტორია

წმინდა მაქსიმე აღმსარებელი VII საუკუნეში მოღვაწე, ქრისტიანულ სამყაროში გავრცელებული მონოთელიტთა ერესის წინააღმდეგ მებრძოლი წმინდა მამა გახლდათ. წმინდა მაქსიმეს ძალიან დიდი ავტორიტეტი ჰქონდა ბიზანტიის მოსახლეობაში. მწვალებლობაში მყოფი იმპერატორი და სასულიერო პირები ყოველმხრივ ცდილობდნენ, ნეტარი მამა რომელიმე ცრუმოძღვრების მიმდევარი გაეხადათ. მათი ყოველი ცდა უშედეგოდ დასრულდა, რის გამოც ხელი და ენა მოჰკვეთეს ნეტარ მამას და თავის ორ მოწაფესთან ერთად ლაზიკაში გადაასახლეს. ხანგრძლივი და მძიმე მოგზაურიბის შემდეგ წმინდა მაქსიმე ციხესიმაგრე სქიმარში გარდაიცვალა. გარდაცვალებამდე მას უფლის ანგელოზისგან ეუწყა, რომ მალე დატოვებდა ამ სოფელს. სიცოცხლის უკანასკნელ დღეებში წმინდა მამამ საზრდელის მიღებაზე უარი თქვა და მთელ  დროს ლოცვაში ატარებდა. 13 აგვისტოს, შაბათ დღეს, წმინდა მაქსიმე გარდაიცვალა. მისი ცხედარი ციხესიმაგრე სქიმარში დაკრძალეს. წმინდა მაქსიმეს საფლავზე სამი ღვთიური ლამპარი ჩნდებოდა და არაერთი კურნება აღესრულებოდა.

მოგვიანებით მისი წმინდა ცხედარი ცაგერთან ახლოს მდებარე მონასტერში გადაასვენეს. დიდი ხნის განმავლობაში უცნობი იყო, სად გაატარა სიცოცხლის უკანასკნელი დღეები წმინდა მაქსიმემ. 2003 წლის 21 ოქტომბერს ცაგერისა და ლენტეხის ეპისკოპოსმა სტეფანემ (კალაიჯიშვილი) რამდენიმე პირთან ერთად ლენტეხის რაიონის მაღალმთიან რეგიონში მიაკვლია იმ ადგილს, სადაც, სავარაუდოდ, წმინდა მაქსიმე აღმსარებელმა თავისი მოღვაწეობის უკანასკნელი დღეები დაჰყო. პირველწყაროზე დაყრდნობით, ამ ადგილს სქიმარი ეწოდებოდა. დღესაც ადგილობრივი მოსახლეობა მას ოდნავი სახეშეცვლილი ფორმით სკიმერს უწოდებს.

წმინდა მაქსიმე აღესრულა 662 წლის  13 (ახ.სტ-26) აგვისტოს. მისი სახელი წელიწადში ორჯერ მოიხსენიება: გარადაცვალებისა და წამების დღეს (21 იანვარს, ახ. სტ-3 თებერვალს), როცა ენა და ხელი მოჰკვეთეს.

იხილეთ ასევე

მურის ციხე აგრეთვე სქიომარი, ციხნარი -  ციცაბო კლდეზე აღმართული ციხე სიმაგრეთა კომპლექსი ლეჩხუმში, ცაგერის მუნიციპალიტეტის ტერიტორიაზე....

მწვანე თეატრი - ლეჩხუმში, ცაგერის მუნიციპალიტეტში. გაშენდა 1987 წელს მდინარე ცხენისწყლის მახლობლად, რომლის ბადალი მსოფლიოში არ იყო. ეს საზაფხულო უმშვე...

მურის ციხე აგრეთვე სქიომარი, ციხნარი -  ციცაბო კლდეზე აღმართული ციხე სიმაგრეთა კომპლექსი ლეჩხუმში, ცაგერის მუნიციპალიტეტ...

მურის ციხე აგრეთვე სქიომარი, ციხნარი -  ციცაბო კლდეზე აღმართული ციხე სიმაგრეთა კომპლექსი ლეჩხუმში, ცაგერის მუნიციპალიტეტ...

ორბელის ციხე-კომპლექსი - ისტორიული ძეგლი ლეჩხუმში, ცაგერის მუნიციპალიტეტში, სოფელ ორბელში, ლაჯანურის ხეობაში. იგი მიეკუთვნება ადრეშუასაუკუნეებს,&...

ლეჩხუმის რეგიონი მდიდარია ბუნებრივი და ისტორიული ღირსშესანიშნაობებით. მათ შორის ერთ-ერთი ბუნების ძეგლი არის კლდოვანი მასივი - საირმის სვეტები.საირმის ...

იხილეთ ასევე
review

დასვი კითხვა

გაქვთ კითხვა ამ ადგილის შესახებ?
დასვი კითხვა ნებისმიერ თემაზე, ჩვენ მზად ვართ, დაგეხმაროთ.

დასვი კითხვა
review

შეაფასეთ ადგილი

გაუზიარე სხვებს შენი გამოცდილება.
შეაფასე ადგილი, გაგვიზიარე შენი აზრები, დადებითი და უარყოფითი შთაბეჭდილებები.
გავუმარტივოთ მოგზაურობა ერთმანეთს.

შეაფასე
შეაფასე

დასვი კითხვა

შეაფასე წმინდა მაქსიმე აღმსარებლის სახელობის ეკლესია ცაგერში

საშინელი!

ცუდი!

კარგი!

ძალიან კარგი!

შესანიშნავი!