ბურნაშეთი ბაკურიანი

სამცხე-ჯავახეთის მხარე სალაშქრო ბილიკების სიმცირეს ნამდვილად არ განიცდის. აქ საალაშქროდ წელიწადის ნებისმერ დროშ შეძლებთ წამოსვლას და ყოველთვის იპოვით თქვენთვის სასურველ მარშრუტს.

ერთ-ერთი უცნობი სალაშქრო მარშრუტი, რომელიც შეგლიათ წლის ნებისმიერ დროს გაიაროთ, არის ბურნაშეთი-ბაკურიანის ბილიკი. ჩვენ ეს ბილიკი ზამთარში გავიარეთ თოვლის ფეხსაცმელებით, და უკიდურესად დიდი თოვლის დროსაც კი მარშრუტი არის უსაფრთხო და არ წარმოადგენს ზვავსაშიშ ზონას. ბილიკზე გხვდებათ ულამაზესი პანორამული ხედები, ერთ-ერთი ულამაზესი ტბა ტაბაწყური, მარშრუტის დასასრულს კი სამთო-სათხილამურო კურორტი ბაკურიანი წარმოადგენს.

მარშრუტი არის 2 დღიანი და იწყება სოფელ ბურნაშეთში. საწყისი სიმაღლე არის 1700 მეტრი და პირველი დღის განმავლობაში სიმაღლეს ქედ-ქედ წევთ 2800 მეტრამდე (მცირე ტბასთან) შემდეგ კი ეშვებით ტბა ტაბაწყურისკენ. პირველ დღეს შეგიძლიათ დაბანაკდეთ ტბასთან.

მეორე დღეს ტბა ტაბაწყურიდან ეშვებით კურორტი ბაკურიანისკენ და ამთავრებთ ლაშქრობას.

მარშრუტი არის საშუალო სირთულის, ჯამში 50 კმ გავლა გიწევთ. მარშრუტზე არ გხვდებათ რაიმე სახის რთული ან გაუვალი მონაკვეთი, თუმცა მისი სიგრძიდან გამომდინარე იგი საშუალო სირთულისად შეგვიძლია ჩავთვალოთ.

წყალი გვხვდება ბილიკის დასაწყისში სოფელ ბურნაშეთსა და უშუალოდ ტაბაწყურის ტბაზე, შესაბამისად თან იქონიეთ შესაბამისი რაოდენობის წყალი.