ჭალაათის მყინვარი

ჭალაათის მყინვარი — ხეობის რთული ტიპის მყინვარი საქართველოში, სამეგრელო-ზემო სვანეთის მხარეში, მესტიის მუნიციპალიტეტში. მდებარეობს სვანეთის კავკასიონის მთავარი ქედის სამხრეთ კალთაზე, მდინარე მულხრის მარჯვენა შენაკადის — მესტიაჭალის სათავეში.

ჭალაათის მყინვარის ენის სიმაღლე ზღვის დონიდან 1850 მეტრია. ჭალაათი ერთადერთი მყინვარია, რომელიც იჭრება ტყის ზონაში. მყინვარი საზრდოობს 4000 მეტრზე მაღალი მწვერვალების: უშბის, ბჟედუხის, ჩათინისა და დალაყორის ნაკადებით.

მანძილი მესტიის ცენტრიდან ჭალაათის მყინავარამდე ჯამში 15 კმ-ია.

მესტიიდან ცენტრიდან 12 კმ- ში მდებარეობს საწყისი წერტილი, მისვლა შესაძლებელია ნებისმიერი ტიპის ავტომობილით, თუმცა გზის უმეტესი ნაწილი გრუნტიანია. სამანქანე გზა მიუყვება მესტიაჭალის ხეობას და სრულდება ჭალაათის ხეობის დასაწყისში, საიდანაც იწყება საფეხმავლო ბილიკი, ზღვის დონიდან 1670 მეტრზე. ბილიკის სიგრძე, ერთი გზა არის 3 კმ. პირველი 2 კილომეტრი მიუყვება ტყიან ზონას, ხოლო ბოლო 1 კმ გადის ქვიან ტერიტორიაზე და სრულდება ზღვის დონიდან 1950 მეტრზე, მყინვარის დასაწყისში. ასაწევი სიმაღლე 280 მეტრია.