ჭიათურის პიონერთა სასახლე

ჭიათურის პიონერთა სასახლე მდებარეობს ზემო იმერეთში, ქალაქ ჭიათურის ტერიტორიაზე.

ჭიათურის პიონერთა სასახლე აშენდა მე-20 საუკუნის 60-იანი წლების დასაწყისში. არქიტექტორ ჩხეიძის სტანდარტული პროექტის მიხედვით. სულ საქართველოს ტერიტორიაზე 3 ესეთი შენობა იყო. ერთი ჭიათურაში, მეორე ტყიბულში და მესამე ტყვარჩელში. შენობაში ტარდებოდა სამეცნიერო და სამხატვრო წრეები. ტარდებოდა უამრავი ღონისძიებები და იყო მოწყობილი მუზეუმიც. შენობა 2007 წლამდე ფუნქციონირებდა, რის შემდეგ იგი სრულიად მიატოვეს. დროთა განმავლობაში იგი გაიძარცვა და ბუნებრივი მოვლენების ზემოქმედების შემდეგ დაზიანდა და გახდა ავარიული. 2014 წელს დაიწყო შენობის დემონტაჟი, რომელიც შეჩერებულ იქნა სამოქალაქო აქტივისტების მიერ. დღესდღეობით შენობის მცირე ნაწილია შემონახული, კერძოდ კოლონადა და პირველი სართულის ვესტიბიული.