ხობი

ხობი — ქალაქი და მუნიციპალიტეტი დასავლეთ საქართველოში, ხობის მუნიციპალიტეტის ადმინისტრაციული ცენტრი. მდებარეობს სამეგრელო - ზემო სვანეთის მხარეში. კოლხეთის დაბლობზე, მდინარე ხობის ნაპირას, ზღვის დონიდან 25 მ სიმაღლეზე.

ქალაქად გამოცხადდა 1981 წელს. ხობში არის ფოთისა და ხობის ეპარქიის რეზიდენცია, ქალაქიდან 2 კმ-ში დგას XIII საუკუნის დასასრულის ხობის ტაძარი.

ხობში არის რკინიგზის სადგური თბილისი - ზუგდიდის ხაზზე. ქალაქზე გადის საერთაშორისო მნიშვნელობის გზა ს-1 თბილისი-ლესელიძე და შიდა სახელმწიფოებრივი მნიშვნელობის გზა ხობი-საბაჟო.

ღირსშესანიშნაობები

• ხობის მონასტერი
• ხობის საეკლესიო კომპლექსი
• ხობის წმ. სამების სახელობის ეკლესია
  
• პაპანწყვილის ტბა